61 ko'rilgan
@Yurist_Xizmati 4579-savol:

Assalomu alaykum,men ko‘p qavatli uyda ijarada turaman.O‘z qavatimni vaqti vaqti bilan tozalab turaman.Kecha bir qo‘shnim san umuman tozalamisan,10 ming pul ber deb keldi,men unga undan oldin xam pul yig‘ilganini,lekin bir marta tozalandi xolos,shu bo‘yi pod’ezd iflos turipti deb aytdim.U manga uchastka inspektorini va dom.kom.ni chaqirishini aytib dag‘ dag‘a qildi.Meni qanday xaqqlarim bor ijarachi sifatida?Iltimos shuni tushuntirib bersangiz.

YURIST JAVOBI:

❌ Bu holatda o‘sha qo‘shnilarning harakatlari noqonuniy.

❗️Podezlarni tozalash bo‘yicha pul yig‘ish ixtiyoriy asosida amalga oshiriladi. Bunda hech kimdan uning roziligisiz pul yig‘ish mumkin emas. Undan tashqari uyni saqlash va asrash xarajatlari mulkdor tomonidan amalga oshiriladi.

Qarang! Fuqarolik kodeksi 211-moddasi hamda Uy-joy kodeksi 124-moddasiga muvofiq, ko‘p kvartirali uydagi turar joylar va yashash uchun mo‘ljallanmagan joylar mulkdorlariga shu uyning umumiy joylarini, tayanch va to‘siq konstruksiyalar, kvartiralar oralig‘idagi ihotalangan (o‘ralma) pillapoyalar, zinapoyalar, liftlar, liftning shaxtalari va boshqa shaxtalar, dahlizlar, texnik qavatlar, yerto‘lalar, cherdaklar va tomlar, uy ichidagi muhandislik tarmoqlari va kommunikatsiyalari, joylar tashqarisida yoki ichida joylashgan va bittadan ortiq joyga xizmat ko‘rsatadigan mexanik, elektr, sanitariya-texnika uskunalari va qurilmalari hamda boshqa uskunalar va qurilmalarni o‘z ichiga olgan umumiy mol-mulk ulushli mulk huquqi asosida tegishli bo‘ladi.

Bunda Uy-joy kodeksining 126-moddasiga ko‘ra ko‘p kvartirali uydagi umumiy mol-mulkka nisbatan ulushli mulk ishtirokchisi uni saqlash, shuningdek shu uyga tutash, obodonlashtirish elementlari bo‘lgan yer uchastkasini saqlash bo‘yicha umumiy xarajatlarni uyning umumiy maydonidagi o‘ziga qarashli joy maydoniga mutanosib ravishda o‘z zimmasiga oladi.

❗️Mana shu qoidaga ko‘ra sizdan pul talab qilishning o‘zi noqonuniy. Bu vaziyatda aslida siz tuman IIBga sizdan noqonuniy pul talab qilayotganlar ustidan shikoyat qilishingiz lozim.
Bu mavzu Sud va huquqiy maslaxatlatlar bo'limida 01 Iyun da maqola yozgan. | 61 ko'rilgan