NOTARIUSNING TALABI TO‘G‘RIMI?
@Yurist_Xizmati 4461-savol:
Assalomu alaykum meni dadam 2023-yil sentabr oyida olamdan o‘tgan. Dadamning nomidagi uyni onamning nomiga otkazmoqchi bolib natariusga borgandik natarius 1960-yillar atrofida otib ketgan katta otamning katta onamning (dadamning ota-onasi) olim haqidagi guvohnomalarni va biz aka-uka, opa-singillarimizning rozilik xati kerak dedi. Endi sizlarga savolim bu vaziyatda nma qilishimiz kerak aka-ukalarimiz rassiyada opa-singillarimiz boshqa viloyatlarga turmush qilib ketgan, dadamning nomidan onamning nomiga uyni otkazish uchun shuncha hujjat toplanish shartmi
YURIST JAVOBI:
✅ Notairusning talabi to‘g‘ri.
Chunki meros ishi ochilganda merosxo‘larning har bir bo‘lishi shart. Lekin Fuqarolik kodeksining 1151-moddasi ikkinchi qismiga ko‘ra agar turgan joyi aniqlanib, meros olishga chaqirilgan-u, lekin hozir bo‘lmagan merosxo‘r merosdan voz kechmagan bo‘lsa, qolgan merosxo‘rlar merosni taqsimlash niyatlari to‘g‘risida uni xabardor qilishlari shart.
Agar hozir bo‘lmagan merosxo‘r xabar qilingan paytdan e’tiboran uch oy ichida qolgan merosxo‘rlarni merosni taqsimlash haqidagi kelishuvda ishtirok etish istagi to‘g‘risida xabardor qilmasa, qolgan merosxo‘rlar hozir bo‘lmagan merosxo‘rga tegishli bo‘lgan ulushni ajratib, o‘zaro kelishuvga ko‘ra meros taqsimotini amalga oshirishga haqlidirlar.
☝️Mana shu qoidaga ko‘ra siz notariusdan hozir bo‘lmagan merosxo‘rlarning ulushlarini ajratgan holda meros guvohnomasi rasmiylashtirishni so‘rashingiz mumkin.
➡️ Bobo hamda buvingizning ma’lumotlarga kelsak, Vazirlar Mahkamasining 2020 yil 18 noyabrdagi 726-son qaroriga 5-ilovada tasdiqlangan Notariuslar tomonidan merosga bo‘lgan huquq to‘g‘risida guvohnomani berishning ma’muriy Reglamenti 29-bandiga ko‘ra merosxo‘rlarning tug‘ilganlik haqidagi guvohnomalari va nikoh tuzilganligi haqidagi guvohnomalari (F.I.O. o‘zgargan taqdirda) yoki dalolatnoma yozuvlaridan ko‘chirmalar notariusga taqdim etilishi kerak.
Lekin merosxo‘rlar ushbu ma’lumotlarni taqdim etish imkoni bo‘lmagan taqdirda, ushbu ma’lumotlar notarial idoralar tomonidan mustaqil ravishda, «FHDYOning yagona elektron arxivi» axborot tizimi orqali olinishi mumkin.
Shunga ko‘ra notarius bobongiz hamda buvingizning ma’lumotlarini bazadan o‘zi olishi mumkin.
♂️ Shuni aytish kerakki, chet eldagi merosxo‘rlar merosdan voz kechish haqida o‘zi yashayotgan davlatdagi notarial idorada voz kechish haqida ariza taqdim etsa, siz ushbu arizalarni notariusga taqdim etishingiz mumkin.
