Yer uchastkasi bo‘yicha hokim qarori bor, ammo kadastr bazasida topilmayapti. Bunda qanday qilib kadastr qilish mumkin?
@Yurist_Xizmati 4571-savol:
Assalomu aleykum! Savolim menin 2000yil Oz nomimga olingan yer uchastkam Xokim karorlari mavjud, lekin kadastr xodimlari karar arxivda yuk deyapti men uchastkaga yu kurmakchiman Kanaka maslaxat berasiz
YURIST JAVOBI:
❗️Agar qaror sizda mavjud lekin, kadastr organlarining bazasida bu yer uchatkasining sizga tegishli ekanligini tasdiqlovchi hujjatlar mavjud bo‘lmasa, dastlab fuqarolik sudiga egalik huquqini belgilash bo‘yicha ariza berishingizni maslahat beramiz.
Fuqarolik protsessual kodeksining 295-moddasiga muvofiq sud yuridik ahamiyatga ega bo‘lgan boshqa faktlarni ham belgilashi mumkin. Bu holatda siz ham yer uchastkasiga nisbatan egalik qilish faktini belgilash bo‘yicha ariza berishingiz mumkin bo‘ladi.
Ushbu kodeks 296-moddasiga asosan arizada muayyan faktni aniqlash arizachiga qanday maqsadlar uchun zarur ekanligi ko‘rsatilishi, shuningdek arizachining tegishli hujjatlarni olish imkoniyatiga ega emasligini yoxud yo‘qolgan hujjatlarni tiklab bo‘lmasligini tasdiqlovchi dalillar keltirilishi kerak.
Agar sud arizangizni qanoatlantirib bersa, siz sudning qarori asosida kadastr organida yer uchastkasining egaligini tasdiqlashingiz mumkin. Shundan so‘ng sizda bu yer uchatkasida qurilish qilish huquqi yuzaga keladi.
Uyni qonuniy qurish uchun Vazirlar Mahkamasining 2006-yil 30-dekabrdagi 272-son qaroriga 1-ilovada tasdiqlangan Yakka tartibdagi uy-joy qurilishi to‘g‘risidagi Nizomga muvofiq dastlab hududiy arxitektura bo‘limi orqali qurilishga ruxsatnoma olinadi, shundan so‘ng qurulish qilinib, so‘ng unga kadastr hujjati shakllantiriladi.
✅ Agar sizlar ham ushbu tartibga rioya qilgan holda uy-joy qursangiz bu uyni kadastr qildirishingiz mumkin.
