Mahalla raisi saylovida yaqin qarindoshlari ovoz berishi mumkinmi?
@Yurist_Xizmati 4553-savol:
Assalomu alaykum Mahalla oqsaqol saylovda qo‘yilgan nomzot yaqin qarindoshlari avoz berishi mumkunmi?
YURIST JAVOBI:
2018-yil 16-oktyabrdagi “Fuqarolar yig‘ini raisi saylovi to‘g‘risida”gi 499-sonli qonunning 4-bobi mazkur saylovni o‘tkazish tartibini belgilaydi.
Unga ko‘ra saylov Fuqarolar yig‘ini (fuqarolar vakillarining yig‘ilishi) tomonidan o‘tkaziladi. Fuqarolar vakillarining yig‘ilishiga hovlilar, uylar, ko‘chalardan fuqarolarning vakillari yuboriladi.
✅ Tashkilotchilik qobiliyatiga, hayotiy tajribaga va aholi o‘rtasida obro‘-e’tiborga ega bo‘lgan fuqarolar, qoida tariqasida, fuqarolarning vakillari bo‘lishi mumkin.
☝️E’tibor bering! mazkur qonunning 18-moddasiga ko‘ra Fuqarolar yig‘ini raisi lavozimiga nomzodlar fuqarolar vakillari yoxud ularning yaqin qarindoshlari orasidan ko‘rsatilgan taqdirda, ular fuqarolar vakillari tarkibidan chiqariladi.
Qo‘shimcha tarzda, Fuqarolar yig‘inlari raislari saylovini tashkil etish va o‘tkazishda fuqarolar yig‘inlariga amaliy yordam ko‘rsatish uchun hududlarda komissiyalar tuziladi.
❗️Fuqarolar yig‘ini raisi lavozimiga nomzodlar komissiyaga a’zo shaxslar yoxud ularning yaqin qarindoshlari orasidan ko‘rsatilgan taqdirda, ular komissiya tarkibidan chiqariladi.
❌ Yuqoridagilardan xulosalash mumkinki, ushbu saylovda nomzodning yaqin qarindoshlar ovoz berishi mumkin emas
