AYOLINGNI SЕV
Ko‘chalardan baxt izlama sen,
Sevgin, jufti halolingni sev,
Boshqa yorni hech ko‘zlama sen,
Uyingdagi ayolingni sev.
Oy desang oy, kun desang kunday,
Sunbul sochi qop-qora tunday,
Taqdiringni tuhfasi shunday,
Uyingdagi ayolingni sev.
Yurma yolg‘on dunyolar aro,
Erkak bo‘lib, kuniga yara,
Ko‘zing ko‘rmi, tuzukroq qara,
Uyingdagi ayolingni sev.
O‘ksitmagin, o‘tga tashlama,
Shaytonning sho‘r oshin oshlama,
Farzandlaring ko‘zin yoshlama,
Uyingdagi ayolingni sev.
Bilmaysanmi ayol makrini,
Chaqsa ko‘rgin ilon zahrini,
Keltirmagin Alloh qahrini,
Uyingdagi ayolingni sev.
O‘tar dunyo sen ham o‘tarsan,
Bir kun oxir kunga yetarsan,
Seni demay qo‘ysa netarsan,
Uyingdagi ayolingni sev.
