IJARACHINI UYDAN CHIQARIB YUBORMOQCHIMAN...
⚡️SAVOL;
Men 3 yillik yozma shartnoma tuzib uyimga ijarachi qo‘ygan edim. Shartnoma tuzilganiga endi bir yil bo‘ldi. Xozirda ijarachi uydagi mebellarimga zarar yetkazib, ayrimlarini sindirgan. Men shu holatda ijara shartnomasini muddatidan oldin bekor qilib ijarachini uydan chiqarsam bo‘ladimi ?
⚡️JAVOB;
Fuqarolik kodeksining 545-moddasida, ijaraga oluvchi mol-mulkdan shartnoma shartlariga muvofiq, agar bunday shartlar shartnomada belgilangan bo‘lmasa – mol-mulkning vazifasiga muvofiq foydalanishi lozimligi ko‘rsatilgan. (Ya’ni, choynakda tuxum qovurmaslik kerak degani bu)
❗️Agar ijaraga beruvchining yozma ogohlantirishiga qaramay, ijaraga oluvchi mol-mulkdan shartnoma shartlariga yoki mol-mulkning vazifasiga nomuvofiq foydalansa, ijaraga beruvchi shartnomani muddatidan oldin bekor qilishni va zararning qoplanishini talab qilishga haqli.
✏️ Xulosa shuki, ijarachi bilan o‘rtangizda ijara shartnomasi tuzilgan bo‘lsa o‘sha shartnomaga qarang! Bunday holatda nizo qanday hal etilishi kerakligi shartnomada qanday ko‘rsatilgan bo‘lsa o‘sha yo‘l bilan, agar ko‘rsatilmagan bo‘lsa ijarachini yuqoridagi tartibda ogoxlantirib, bu holat bartaraf etilmasa va yana davom etaversa shartnomani muddatidan oldin tugatib mulkingizga yetgan zararni qoplab berilishini ulardan talab qilsangiz bo‘ladi
