Armiyadagi xizmat va universitetdagi ta’lim davrlari ish stajiga hisoblanadimi?
☝️ “Fuqarolarning davlat pensiya ta’minoti to‘g‘risida”gi Qonunning 37-modda “b” va “ye” bandlariga asosan, pensiya olish huquqini beradigan ish stajiga quyidagilar qo‘shib hisoblanadi:
✔️ - harbiy xizmat (shu jumladan, safarbarlik chaqirig‘i rezervidagi harbiy xizmat) va partizanlar otryadlari va qo‘shilmalarida bo‘lish, davlat xavfsizligi organlaridagi va ichki ishlar organlari hamda O‘zbekiston Respublikasi Milliy gvardiyasidagi xizmat;
✔️ - oliy ta’lim tashkilotlarida (shu jumladan, ularda o‘qish harbiy xizmatga tenglashtiriladigan harbiy ta’lim tashkilotlarida), aspiranturada (stajorlar-tadqiqotchilar-izlanuvchilar institutida), doktoranturada (katta ilmiy xodimlar — izlanuvchilar institutida) va klinik ordinaturada tayanch doktoranturada va doktoranturada (oliy ta’limdan keyingi ta’lim institutida) kunduzgi o‘qish, shu jumladan, chet elda o‘qish.
❗️ESLATMA: Ushbu davrlar fuqarolarda minimal talab etilgan kamida 7 yil umumiy ish staji mavjud bo‘lgandagina qo‘shib hisoblanadi.
⚡️ Yuqoridagilardan kelib chiqib, armiyada va institutda ta’lim olingan yillar ish stajiga qo‘shib hisoblanadi.
