Kuyovga mashina sovg‘a qilgan edik, uni qaytarib olsak bo‘ladimi?
@Yurist_Xizmati 4439-savol:
Singlim eri bn yaqinda ajrashdi. Nikox vaqtida kuyovimizga moshina sovg‘a qilganmiz. O‘sha vaqtda kuyov uy xam olgan. Singlim ajrim vaqtida davoim yo‘q degan. Xozirgi vaqtda singlim davo arizasi yozsa bo‘ladimi. Kuyov ajrimni tezlashtirdi negaki uylanyabdi uylanganidan keyinxam ariza yozsak bo‘ladimi? Qancha muddat ichida ariza yozishimiz kerar.
YURIST JAVOBI:
❗️Agar hadya to‘g‘ri rasmiylashtirilgan bo‘lsa, unda moshinani qaytarib ololmaysizlar. Hadyani bekor qilish nihoyatda qiyin va aniq asoslari mavjud.
Fuqarolik kodeksining 502-moddasiga muvofiq firma hadya qiluvchi sifatida o‘ziga tegishli bo‘lgan avtomashinani jismoniy shaxsga – hadya oluvchiga hadya qilishi mumkin.
Bunda ushbu shartnoma Fuqarolik kodeksining 504-moddasiga asosan ushbu shartnoma yozma shaklda tuzilishi talab etiladi.
Shuningdek, bu shartnoma notariuslar tomonidan notarial harakatlarni amalga oshirish tartibi to‘g‘risidagi yo‘riqnoma (ro‘yxat raqami 3113)ga muvofiq notarial tasdiqlanishi hamda davlat ro‘yxatidan o‘tkazilishi talab etiladi.
Sizlarda ham uyni shunday tartibga sizga hadya qilgan bo‘lsa, unda FK 507-moddasidagi asoslardan biri mavjud bo‘lsagina, hadyani bekor qila oladi.
Mazkur normaga binoan hadya oluvchi hadya qiluvchining, uning oila a’zolari yoki yaqin qarindoshlarining hayoti yoki sog‘lig‘iga qarshi ataylab jinoyat sodir qilgan hollarda hadyani bekor qilishga sud tartibida yo‘l qo‘yiladi.
Shuningdek, hadya oluvchi hadya qiluvchini qasddan o‘ldirgan taqdirda hadya qiluvchining vorislari sudda hadyani bekor qilishni talab etish huquqiga ega.
✅ Mana shu asoslardan biri bo‘lgandagina hadyani bekor qilish mumkin.
♂️ Xulosa qiladigan bo‘lsak, ushbu asoslar bo‘lmasa, uyni olib qo‘yib bo‘lmaydi.
Undan tashqari Fuqarolik kodeksining 150-moddasida umumiy da’vo muddati 3 yil ekanligi belgilangan. Ya’ni shartnomani bekor qilish uchun taraflardan biri shartnoma imzolangan vaqtdan boshlab 3 yil ichida uni bekor qilish bo‘yicha da’vo qilishga haqli. Agar bu muddat o‘tkazib yuborilgan bo‘lsa, sud da’voni qanoatlantirmaydi.
❗️Xulosa qiladigan bo‘lsak, sizlarda mashinani qaytarib olish mumkin emas deb hisoblaymiz
