Ayol ishchilar ko‘tarishi va tashishi mumkin bo‘lgan eng ko‘p yuklamalar qancha bo‘ladi?
Ayollarning og‘ir yuklarni ko‘tarishi va tashishi chog‘ida ular uchun yo‘l qo‘yiladigan eng ko‘p yuklamalar normasi loyihasi e’lon qilindi.
Demak, loyihaga ko‘ra ayollar uchun ish davomida ko‘taradigan va tashiydigan yuk normalari quyidagicha bo‘lishi:
1. Boshqa ishlarga almashlab ishlash sharti bilan yukni ko‘tarish va ko‘chirishda uning vazni 9 kg (1-jadval)dan;
2. Ish smenasi davomida doimiy ravishda ko‘tariladigan yukning vazni 6 kg dan;
3. Ish smenasining har bir soatida ishchi yuzadan ko‘chiriladigan yuklarning yig‘indi vazni 300 kg dan;
4. Ish smenasining har bir soatida poldan ko‘chiriladigan yuklarning yig‘indi vazni 150 kg dan;
5. Ish smenasi davomida ishchi yuzadan ko‘chiriladigan yuklarning yig‘indi vazni 2500 kg dan;;
6. Smena davomida poldan ko‘chiriladigan yuklarning yig‘indi vazni 1250 kg dan;
7. Ikki kishi birgalikda zambilda tashiladigan yuklarning chegaraviy vazni 22 kg (2-jadval) dan;
8. Bitta g‘ildirakli aravada og‘ir yuklarni ko‘chirishda yukning chegaraviy vazni 25 kg dan;
9. Og‘ir yuklarni uch va to‘rt g‘ildirakli aravachalarda tashishda yukning chegaraviy vazni 50 kg dan oshib ketmasligi kerak. Bunda notekis yuzada tashishga chegaraviy ko‘tarish ko‘rsatkichi 0,01 bo‘lgan holda ruxsat etiladi.
10. Og‘ir yuklarni ikki g‘ildirakli qo‘l aravachada tashilganda yukning chegaraviy vazni 60 kg dan;
11. Og‘ir yuklar vagonetkalarda tashilganda yukning chegaraviy vazni 300 kg dan oshib ketmasligi kerakligi taklif qilinmoqda.
