❓SAVOL:
Men imorat qurgan joyim o‘zboshimchalik bilan qurilgan qurilish deb topildi. Meni hokimiyat tomonidan qurgan imoratimni buzib tashlanishi to‘g‘risida ogohlantirishdi. Savolim shuki, agar men qurgan imorat buzib tashlanadigan bo‘lsa, qonunchilik bo‘yicha men u yerga sarflagan xarajatim qoplab berilishi kerakmi yoki yo‘qmi ?
✍ JAVOB:
Yer kodeksi 91-moddasiga asosan, o‘zboshimchalik bilan egallab olingan yer uchastkalari ularga g‘ayriqonuniy ravishda egalik qilingan va foydalanilgan vaqtda qilingan sarf-xarajatlar qoplanmagan tarzda tegishliligiga ko‘ra qaytariladi deb ko‘rsatilgan.
✏️ Agar qurgan imoratingizni haqiqatdan xam o‘zboshimchalik bilan egallab olgan joyingizga qurgan bo‘lsangiz va Sizni qurilishingiz buzib tashlanishi haqida ogohlantirgan tashkilotda o‘sha joy Siz tomoningizdan haqiqatdan xam o‘zboshimchalik bilan egallab olinganligini tasdiqlaydigan yetarli asoslar mavjud bo‘lsa xamda u joyning Sizga tegishli ekanligini tasdiqlaydigan xujjatlar Sizda bo‘lmasa, Sizni ogohlantirgan tashkilotning qonun bo‘yicha u joyga qilgan harajatlaringizni o‘rnini qoplamasdan turib tegishliligi bo‘yicha qaytarilishini talab qilishga haqqi bor.
