ROSSIYADA OLINGAN «PRAVA» BILAN O‘ZBЕKISTONDA MASHINA HAYDASH MUMKINMI?
JAVOB:
O‘zbekiston Respublikasi fuqarolari uchun O‘zbekiston hududida faqat milliy haydovchilik guvohnomalari avtomototransport vositalarini boshqarish uchun haqiqiy hisoblanadi.
Boshqa xorijiy fuqarolar va fuqaroligi bo‘lmagan shaxslarning hamda O‘zbekiston Respublikasi fuqarolarining xorijiy davlatlarda olgan haydovchilik guvohnomasini milliy haydovchilik guvohnomasiga almashtirishdan oldin ular Yo‘l harakati xavfsizligi bosh boshqarmasi orqali Tashqi ishlar vazirligida tekshiriladi.
Tekshirish natijasida haydovchilik guvohnomasi tasdiqlangan shaxslarning haydovchilik guvohnomasi, ular tibbiy ko‘rikdan o‘tib, nazariy va amaliy imtihonlarni topshirgandan so‘ng, O‘zbekiston Respublikasining milliy haydovchilik guvohnomasiga almashtiriladi.
Asos: Vazirlar mahkamasining 2018 yil 31 maydagi 408-son qarori bilan tasdiqlangan Nizom
