118 ko'rilgan
⚡️SAVOL:
Men Farg‘ona viloyatidanman. Sizlarga bermoqchi bo‘lgan savolim shuki, men 2023 yilda bankdan 20 million so‘m kredit olganman. Olgan kreditimni taksistlik qilib to‘lab kelar edim. Hozirgi kunda bizda gaz zapravkalar yaxshi ishlamayotganligi sababli kreditimni to‘lay olmayapman. Benzinda kira qilish esa befoyda. Bankdagilar meni tinch qo‘ymayapti. Ularga gaz muammo bo‘layotganligi sababli to‘lovga qiynalayotganimni aytsam, bu Sizni muammoyingiz deyapti. Manashu vaziyatda men qanday yo‘l tutsam bo‘ladi ?

⚡️JAVOB:
Bankdan kredit olgan bo‘lsangiz qo‘lingizda kredit shartnomasi bor. O‘sha kredit shartnomasining shartlari qanday bo‘lsa o‘sha tartibda Siz olgan kreditingizni vaqtida to‘lab borishingiz kerak. Aminmanki, qo‘lingizdagi shartnomada havoning sovuq kunlarida gaz zapravkalari ishlamay qolsa kredit qarzdorligini undirish vaqtinchalik to‘xtatib turiladi degan joyi yo‘q. Bunday bandi bo‘lmaydi xam. Sababi banklar shartnomaga bunday shart kiritishdan ko‘ra Sizga kredit bermaslikni afzal ko‘rib qo‘yaqoladi.

➖ Manashu vaziyatda qanday yo‘l tutsam bo‘ladi degan joyingizga, unday yo‘lni o‘zi yo‘q. Kreditni to‘lamasangiz bank Sizni sudga beradi va Siz baloga qolib qarzdorligingizga qo‘shib sud xarajatlarini xam to‘lashingiz kerak bo‘ladi. Sizni bu muammoyingizni biz tushundik, lekin bu hal qiluvchi emas. Bu muammoni xoooo tepada o‘tirgan mas’ullar tushunishi kerak edi. O‘zini mashinasiga eng toza benzinni kuyib yurganlar Sizni gaz muammoyingizni qayerdan xam tushunsin.

✏️ Xurmatli mas’ullar, bilishimizcha vodiy viloyatlarida gaz muammosi qish boshlanganida boshlangan, lekin nima uchun birorta shaxs yoki tashkilot yo bo‘lmasa energetika vazirligi muammoni hal qilmadi.

✏️ O‘tgan yili anomal sovuq deyildi. Gaz muammosi kuzatilganligi o‘sha sovuqqa borib taqaldi va bahorga chiqib, biz xulosa qildik, chora-tadbirlarni amalga oshiramiz, keyingi yiliga bunday muammo bo‘lmaydi deyildi. Endi nima bo‘ldi ? O‘tgan yilgidan battaroq bo‘ldimi shunda. Hozir manashu savolni egasiga islohatlar haqida gapirib ko‘ringchi nima bo‘larkan... Bundaylar nechta bo‘lishi mumkin. Vodiyda yana nechta taksist kreditini to‘lay olmay yurgan ekan? Kimlardir televizorga chiqib muammoli kreditlar ko‘payib ketyapti deb og‘zini to‘ldirib gapiradi. Muammoli kredit egalarini muammosini hal qilib qo‘yinglar ko‘paymaydi muammoli kreditlar...

✏️ Haqiqiy huquqiy davlat bo‘ladigan bo‘lsak agar bunday vaziyatda manashu taksistga yetkazilgan zarar gaz ta’minoti bilan shug‘illanadigan tashkilot tomonidan to‘lab berilishi kerak aslida...
Bu mavzu Sud va huquqiy maslaxatlatlar bo'limida 12 Fev da maqola yozgan. | 118 ko'rilgan