Ota vafot etganda, uy avtomatik tarzda onaning nomiga o‘tadimi?
@Yurist_Xizmati 4373-savol:
Assalomu aleykum, biza oilada 5 farzandmiz. Otam vafot etganlar, u kishini nomidagi uy joy avtomat ravishda onamni nomlariga utadimm yoki biz farzandlarini roziligi kerakmi?
YURIST JAVOBI:
♂️ Otangiz nomidagi uy avtomatik ravishda onangiz nomiga o‘tmaydi.
Bunda Fuqarolik kodeksining 1135-moddasiga muvofiq meros qoldiruvchining bolalari (shu jumladan farzandlikka olingan bolalari), eri (xotini) va ota-onasi (farzandlikka oluvchilar) teng ulushlarda qonun bo‘yicha birinchi navbatdagi vorislik huquqiga ega bo‘ladilar.
☝️Mana shu qoidaga muvofiq sizdagi vaziyatda otangizdan qolgan mol-mulklarga farzandlar hamda onangiz 1-darajali merosxo‘r hisoblanadi.
Bunda kodeks 1150-moddasiga ko‘ra 1-darajali merosxo‘larning merosdagi ulushlari teng sanaladi. Bunda dastlab meros guvohnomasi olish talab etiladi.
Fuqarolik kodeksi 1146-moddasiga binoan meros ochilgan joydagi notarius merosxo‘rning iltimosiga ko‘ra unga merosga bo‘lgan huquqi to‘g‘risida guvohnoma berishi shart. Fuqarolik kodeksining 1117-moddasiga ko‘ra ko‘chmas mulkka nisbatan meros ishi u joylashgan hududdagi notarius orqali ochiladi.
➡️ Bunda uyni onangiz nomiga olish uchun merosxo‘rlar merosdan voz kechishlari kerak. Fuqarolik kodeksining 1147-moddasiga binoan merosxo‘r meros ochilgan kundan e’tiboran istalgan vaqtda merosdan voz kechishga haqli. Bunda siz hamda boshqa merosxo‘lar merosdan onangiz nomiga voz kechadigan bo‘lsa, hamma ulush onangiz nomida to‘planadi.
✅ Shundan so‘ng uyni onangiz nomiga olish mumkin.
