QAYNONANI YIG‘LATMANG
Kelinposhsholar qarang,
Har kimning aytari bor,
Qaynonani yig‘latmang,
Kelindan qaytari bor.
Choping shimariblar yeng,
Qadri osmonlarga teng,
Nima desa labbay deng,
Kelindan qaytari bor.
Bog‘lardan tikon termang,
Qosh chimirib, qad kermang,
Tilingizga erk bermang,
Kelindan qaytari bor.
Qarang doim ko‘ngliga,
Og‘ir botmang diliga,
Yomonlamang o‘g‘liga,
Kelindan qaytari bor.
Hayot darsin o‘qqan u,
G‘amlar qaddin bukkan u,
Yoringizni tuqqan u,
Kelindan qaytari bor.
Hamma yoq bo‘lsin toza,
Sinmasin tovoq, kosa,
E’zozlang rosa, rosa,
Kelindan qaytari bor.
Oy bo‘ling, to‘lin bo‘ling,
Yuzlari so‘lim bo‘ling,
Oqila kelin bo‘ling,
Kelindan qaytari bor.
