AVTOMOBILIMNI YONIMDA O‘TIRIB BOSHQA BIROV BOSHQARISHI MUMKINMI?
Assalomu alaykum, men doverennost orqali moshina boshqaraman, sug‘urta cheklovsiz, zarur bo‘lgan xolatda yonida o‘tirib boshqa birovga moshinani haydatishim mumkinmi?
JAVOB:
Ha, mumkin. Biroq sharti bor. Tushuntiramiz.
Tegishli toifadagi transport vositasini boshqarish huquqini beruvchi haydovchilik guvohnomasiga, uning taloniga, vaqtinchalik ruxsatnomaga ega bo‘lgan shaxs, o‘ziga tegishli bo‘lmagan transport vositasini, uning egasi yonida bo‘lganida yoxud tasarruf etish huquqini beruvchi yoki egalik qilishga, foydalanishga berilganligini tasdiqlovchi hujjatlari bo‘lgan shaxs ishtirokidagina (ularning roziligi bilan) boshqarishi mumkin.
Biroq ushbu shaxs avtomobilingizni boshqarishi uchun quyidagi ikkita shartga amal qilish lozim.
1️⃣ sug‘urta cheksiz bo‘lishi;
2️⃣ transport vositasini boshqarayotgan shaxs sug‘urta polisida ko‘rsatilgan bo‘lishi lozim.
Agar shu ikkita shartdan biri va hamrohingizda haydovchilik guvohnomasi, uning taloni, vaqtinchalik ruxsatnomasi mavjud bo‘lsa unga avtomobilingizni yoniningizda boshqarib ketishi uchun hech qanday to‘siq mavjud emas.
Asos: Yo‘l harakati Qoidalari 8-bandi
