XUSUSIY KORXONANI BOSHQA SHAXSGA O‘TKAZISH
Xususiy korxona haqidagi qonunning 27 moddasi mazmunini tushuntirib bering Korxonani boshqa shaxsga o‘tkazish Faqat natarial idora orqali o‘tkaziladi deganimi yoki Davlat xizmatlari markazi orqali xususiy korxonani o‘tkazsa bo‘ladimi
JAVOB:
Xususiy korxona to‘g‘risidagi qonuning 27-moddasiga ko‘ra Xususiy korxonani boshqa shaxsga o‘tkazish Xususiy korxona mulkdori xususiy korxonani mol-mulk majmuasi sifatida sotishga, hadya qilishga, vasiyat qilib qoldirishga yoki uni o‘zgacha usulda boshqa shaxsga o‘tkazishga haqli.
Xususiy korxona boshqa shaxsga berilgan taqdirda o‘zining firma nomidan, tovar belgilaridan, xizmat ko‘rsatish belgilaridan hamda mazkur xususiy korxona va uning mahsulotini, u bajarayotgan ishlarni yoki ko‘rsatayotgan xizmatlarni individuallashtiruvchi o‘zga vositalardan foydalanish huquqlari, agar qonunchilikda yoxud shartnomada boshqacha qoida nazarda tutilgan bo‘lmasa, yangi mulkdorga o‘tadi.
Bunda xususiy korxonani begonalashtirish haqida gap ketmoqda. Ya’ni, korxona mulkdori uni mulkiy majmua(hamma mulki va huquqlari bilan) boshqa shaxsga oldi-sotdi qilishi, hadya qilishi, vasiyat qilishi mumkinligi berilgan.
Fuqarolik qonunchiligiga ko‘ra, xususiy korxona ko‘chmas mulklardan tarkib topagani uchun u bilan bog‘liq tuziladigan shartnomalar notarial tasdiqlanishi va davlat ro‘yxatidan o‘tkazilsagina haqiqiy hisoblanadi. Keyinchalik boshqa shaxs ya’ni yangi mulkdor uni davlat xizmatlari markazida ro‘yxatdan o‘tkazishi mumkin tadbirkorlik subyekti sifatida.
