‼️ Attestatsiyadan o‘ta olmadim. Endi meni ishdan bo‘shatishadimi?
✅Attestatsiya o‘tkazish tartibi va shartlari har bir tashkilotning ichki lokal hujjatlari bilan belgilanishi shart.
O‘zbekistan Respublikasi adliya vazirining 2018 yil 29 dekabrdagi 398-um-son buyrug‘iga ilova “Adliya organlari va muassasalari xodimlarini attestatsiyadan o‘tkazish to‘g‘risida nizom” adliya organlari va muassasalarida xodimlarni attestatsiyadan o‘tkazish tartibini belgilaydi.
Ushbu Nizomning 39-41-bandlariga ko‘ra, attestatsiya komissiyasi karori bilan “attestatsiyadan o‘tmadi - egallab turgan lavozimiga noloyik” deb topilgan xodimlarga o‘z mutaxassisligi bo‘yicha egallab turgan lavozimiga nisbatan pastrok lavozimda ishlash tavsiya etiladi. Agarda bunday lavozim bo‘lmasa yoki xodim tavsiya etilgan lavozimda ishlashdan bosh tortsa, xodim bilan tuzilgan mexnat shartnomasi ish beruvchining tashabbusi bilan bekor kilinadi.
Attestatsiya komissiyasining qaroridan norozi bo‘lgan xodim o‘n kun muddat ichida O‘zbekistan Respublikasi adliya vaziri, shuningdek sudga shikoyat bilan murojaat qilishi mumkin.
⚠️ O‘zbekiston Respublikasi Oliy sudi Plenumining 1998 yil 17 apreldagi 12-sonli «Sudlar tomonidan mehnat shartnomasi (kontrakti)ni bekor qilishni tartibga soluvchi qonunlarning qo‘llanilishi haqida»gi qarori 28-bandiga ko‘ra, attestatsiya komissiyasining xulosasi xodimning malakasi yetarli emasligini tasdiqlovchi dalillardan biri bo‘lib, u ish yuzasidan barcha dalillar yig‘indisi asosida sud tomonidan baholanadi. Bunda sudlar attestatsiyani o‘tkazish bo‘yicha o‘rnatilgan tartibga rioya etilganini tekshirmoqlari kerak.
❗️Vazirlik markaziy apparati tomonidan attestatsiyadan o‘ta olmagan xodimning shikoyati 3 kun muddatda ko‘rib chiqiladi va ushbu muddat davomida attestatsiya komissiyasi xulosasi va tavsiyalarning ijrosi to‘xtatib turiladi. Yukorida ko‘rsatilgan muddat tugagach, qabul qilingan qaror ijroga qaratiladi. Xodimning shikoyati asosli deb topilganda, takroran attestatsiya o‘tkaziladi va tegishli tartibda qaror qabul qilinadi.
