Mashhurlik kerak emas.
Och qornim tinch qulog'im,
Qaynar ko'ngil bulog'im.
Baland emas dimog'im,
Mashhurlik kerak emas.
Halovat bor uyimda,
Hotirjamlik o'yimda.
Dabdaba yo'q tuyimda,
Mashhurlik kerak emas.
Ota-onam sog' bo'lsin,
Ko'ngli doim chog' bo'lsin.
Yayrab yursin bog' bo'lsin,
Mashhurlik kerak emas.
Bir yorim bir qizim bor,
Elda yorug' yuzim bor.
Shukr qolar izim bor,
Mashhurlik kerak emas.
Hayollarim bor daydi,
Utirma deb qistaydi.
Yurak huzur istaydi,
Mashhurlik kerak emas.
Xudo bergan baxtim bor,
Shiddatim bor shahdim bor.
Go'zal orzu ahdim bor,
Mashhurlik kerak emas.
She'r yozsak yozibmizda,
Aqldan ozibmizda.
E'tiroz yo'qmi sizda?
Mashhurlik kerak emas.
Muhimi boshim omon,
Ahvolim emas yomon.
Kerilmang qoshi kamon,
Mashhurlik kerak emas.
Sızga bo'lsin mashxurlik,
Dabdaba-yu ham zo'rlik.
Hammasini biz ko'rdik,
Mashhurlik kerak emas.
Sardor bari utkinchi,
Tavba dilim utinchi.
Baxt bu ko'ngilning tinchi,
Mashhurlik kerak emas.
