Ayollarni nima yanada AYOLLASHTIRADI?
Mendan juda ko’p ayollar ayollik energiyasini qanday qilib yanada oshirish mumkin, deb so’rashadi. Barcha fikrlarimni jamlab, go’zal ayollarimiz uchun QANDAY QILIB AYOLLIK ENERGIYASINI YANADA OSHIRISH VA YANADA AYOLLASHISH haqida aytib o’tmoqchiman:
1 Shirin ovoz. Nozik, shirali ovoz, yumshoq va mayin gapirish, yoqimli so’zlar, qo’shiq aytish va xushxulq so’zlar.
2 Yaxshi taomlar, sut mahsulotlari. Qarang-a, sut mahsulotlari, ayniqsa, kam foizli qaymoqlar ayollarda ichki xotirjamlik yuzaga kelishida yordam berarkan.
3 Gullar. Yonida tirik gullar ko’p bo’lsa ayollar yanada ayollashadi. Sababi, ayollar gullardan go’zallik energiyasini oladi.
4 Chiroyli taqinchoqlar, kosmetika, turmaklar, o’ziga qarash, massaj, hobbilar, ko'ylak, bejirim yubkalar kiyish.
5 Dugonalar bilan suhbatlar, birgalikdagi tushliklar, toza havoda sayr va yana turli xursandchiliklar.
6 Yaxshi narsalar haqida suhbatlashib, yaxshi narsalarni tomosha qilish. Yoqimli musiqalar, spektakllar...
7 Tabiat bilan aloqada bo’lish. Tabiat bilan aloqada bo’lish ayollar uchun juda muhim. Ayollar tabiatdan juda katta energiya oladi. O’rmonga yoki bog’ga boring, tabiatni tomosha qiling, xech narsani o’ylamay, daraxtlar tagida o’tirib, ularni tinglashga harakat qiling.
8. Yoga, aerobika, fitnes bir so'z bilan aytganda muntazam sport bilan shug'ullanish. Bu nafaqat sog'likka foydali, balki, ayollarni yanada go'zallashtiradi.
9 Ijod bilan shug’ullanish: ijodga hamma narsa kiradi. Ayollarga yoqadigan hamma narsa. Rasm chizish, pishirish, pardoz-andoz…
10 O’z ruhiyati bilan ishlash. Meditasiyalar, ongni, aurani tozalash...
11 Doimo musiqa eshitish, raqs tushish.
