Operatsion tizim bilan bog‘liq ko‘p muammolarni ko‘pchilik yecha olmaydi, yechim sifatida tizimni yangilashni ilgari surishadi. Bu usul ham yaxshi lekin 2 ta katta kamchiligi bor: kerakli fayllaringizdan ajralib qolishingiz mumkin va eski holga qaytarish uchun(dasturlar, o‘yinlarni ham o‘rnatish, sozlash ishlari, internetni sozlash,…) ko‘p vaqt ketib qoladi. Shuning uchun tizimni qayta o‘rnatishni oxirgi yo‘l deb bilib, operatsion tizim bilan sodir bo‘lgan muammoni hal qilishga harakat qiling.
Maqolada, shunday muammolardan biri «Bootmgr is missing«degan xatolikni chiqishi sabalarini keltirib o‘taman(Bootmgr haqida). Bu xatolik Windows 7 tizimida uchraydi,Windows XP tizimida esa «NTLDR is missing Press CTRL+ALT+DEL to restart» ko‘rinishida bo‘ladi. Bu xato operatsion tizim yuklanayotganda paydo bo‘lishi mumkin.
Windows Xp operatsion tizimida quyidagi ko‘rinishda bo‘ladi.
Windows 7’da esa
Bu xatolik quyidagi hollarda chiqishi mumkin:
1. Operatsion tizimlar bir-biri bilan moslashmaslik natijasida(Windows, Linux).
2. Qattiq diskni(HDD) aktiv qismi o‘zgartirilganda. Tizim fayllar doim aktiv qismda joylashgan bo‘lishi lozim.
3. Motherboard’dagi BIOS versiyasi eskirgan holda.
4. Qattiq diskda nosozliklar paydo bo‘lganda.
5. Qo‘shimcha HDD ulaganda, moslashmaslik oqibatida.
6. NTLDR(Windows Xp)va BOOTMGR(Windows 7) fayllari aktiv diskdan o‘chirib yuborilgan. O‘chirilish foydalanuvchi yoki virus tomonidan amalga oshirilishi mumkin.
7. Windows 7 tizimida bootmgr fayli zaxiralangan diskda(Zarezervirovano sistemoy) joylashadi, agar siz bu diskni o‘chirib yuborsangiz, yuqoridagi xato chiqadi.
8. Yuklanadigan tizim fayli(ntldr, bootmgr)nosoz, ya’ni virus bu faylni yaroqsiz holga olib kelgan.
9. Agar kompyuter batareyasi buzilgan yoki almashtirilgan bo‘lsa, barcha BIOS sozlashlari buzilib ketadi, yuqoridagi xato BIOS’da o‘rnatilgan yuklanish disklari ketma-ketligini buzib ketishi oqibatida ham yuzaga keladi. Chunki BIOS’da o‘rnatilgan, dastlab yuklanadigan diskda yuklanuvchi fayl(NTLDR, bootmgr) bo‘lmasligi mumkin.
10. YUqoridagi sababga to‘latish qiladigan bo‘lsam, kompyuterga USB orqali fleshka yoki qattiq disk ulangan bo‘lib, BIOS sozlashida, USB portning yuklanish darajasi yuqori bo‘lgan bo‘lishi mumkin.
Sabablar bilan tanishib chiqdik, asosiy sabab operatsion tizim turiga qarab, NTLDR yokiBOOTMGR tizim fayllariga bog‘liq muammolar bo‘lishi mumkin ekan.
