Kompyuterda ishlashni tezlashtirish uchun, HotKeys(Горячие клавиши) tushunchasidan foydalanish lozim. Bu tushuncha sizga, asosiy qilinadigan ishlarni klaviaturaning ma’lum bir tugmalari orqali bajarishni amalga oshirib beradi(misol uchun, nusxa olish CTRL+C). Agar siz, klaviaturaga qaramasdan ishlashni o‘rgangan bo‘lsangiz, HotKey orqali bajariladigan ishlar tezligini sezilarli darajada oshirishingiz mumkin bo‘ladi. Sichqoncha yordamida ish bajarish, klaviaturada bajarishga qaraganda sekinroqdir. Bu tugmalar majmuasini yodlab qolish biroz qiyin bo‘lishi mumkin, lekin ular katta ehtimollik bilan har kuni ishlatiladi. Har kuni ishlatish degani, bir haftada yodlab olish mumkinligini bildiradi. Dastlab, bu tugmalar majmuasini qog‘ozga chiqarib oling so‘ng, kompyuteringiz yoniga qo‘yib, bulardan foydalanishni boshlang, esingizdan chiqib qolsa, qog‘ozga qarab olasiz, shu tariqa bir haftaga bormay yodlab olasiz. Quyida beriladigan tugmalar majmuasi to‘liq emas, faqat eng kerakli va ko‘p ishlatiladiganlaridir. Bular Windows XP, Windows 7 tizimida muammosiz ishlaydi, Windows 8 tizimida ham ishlashi kerak, lekin tekshirmaganman. Oldingi maqolalaning birida, Windows tugmasi orqali bajarish mumkin bo‘lgan buyruqlarni ko‘rsatib o‘tgan edim, bu safar shu mavzuni to‘latib qo‘yaman. Demak, Windows operatsion tizimi uchun HotKeys bilan tanishing. HotKeys(Горячие клавиши)
- Ctrl + C, Ctrl + Insert Nusxa olish (fayl, papka, matn, rasm va boshqalar)
- Ctrl + X Kesish
- Ctrl + V, Shift + Insert Qo‘yish, ko‘chirilgan yoki nusxa olingan faylni qo‘yish
- Ctrl + Z Oxirgi amalni bekor qilish
- Delete (Del) O‘chirish(fayl, papka…)
- Shift + Delete «Корзина»ga tashlamasdan o‘chirish
- CTRL tugmasini bosgan holda faylni boshqa joyga ko‘chirish O‘sha faylni avtomat nusxasini olib, yangi joyga tashlaydi, eskisi o‘z joyida qoladi
- Ctrl + Shift tugmasini bosgan holda fayl sichqoncha yordamida ko‘chiriladi Shu faylni «ярлык»ini hosil qilish
- F2 Belgilangan fayl yoki papkani nomini o‘zgartirish
- Ctrl + biror ko‘rsatkich (o‘nga, chapga) Oldingi yoki keyingi so‘zning boshiga o‘tish
- Ctrl + pastga ko‘rsatkich yoki Ctrl + yuqoriga ko‘rsatkich Keyingi yoki oldingi qator boshiga o‘tish
- Ctrl + A Barchasini belgilash
- F3 Fayl va papkalarni qidirish oynasi
- Alt + Enter Biror papka yoki faylni «свойства»sini ko‘rish
- Alt + F4 Aktiv oynani yopish
- Alt + probel Aktiv oynaning «свойства»sini chiqarish
- Ctrl + F4 Dasturda bir necha oynalar ochiq bo‘lsa, dasturdan chiqmasdan faqat aktiv oynani yopish
- Alt + Tab Ochilgan oynalarni birortasini aktiv holatga o‘tkazish
- Alt + Esc Ochilgan oynalarni, ochilish tartibida aktivlashtirish
- F6 Aktiv oyna elementlari bo‘ylab harakatlanish
- F4 Windows oynasi yoki «проводник» adresini aktivlashtirish
- Shift + F10 Belgilangan faylning kontekst menyusini hosil qilish
- Ctrl + Esc «Пуск» menyuni ochish
- F10 Aktiv dasturni asosiy menyusiga o‘tish
- F5 Aktiv oynani qayta yuklash(Obnovit)
- Backspace «Проводник» oynasida bitta oldingi papkalarga o‘tish
- SHIFT DVDROM qurilmasiga disk tiqilganda shu tugma bosib turilsa, «автозагрузка» ishlamaydi
- Windows tugmasi «Пуск меню»ni ochish va yopish
- Windows + Break «Свойства системы» oynasini ochish
- Windows + D Ish stolini ko‘rsatish
- Windows + M Barcha ochilgan oynalarni berkitish(Свернуть)
- Windows + Shift + M Barcha ochilgan oynalarni chiqarish(Развернуть)
- Windows + E «Moy kompyuter» oynasini ochish
- Windows + F Fayl va papkalarni qidirish
- Windows + Ctrl + F Kompyuterlarni qidirish
- Windows + L Kompyuterni bloklash
- Windows + R “Выполнить» oynasini ochish
- Windows + U «Центр специальных возможностей» oynasini ochish
- Windows + P Monitorni qanday ishlatish kerakligi haqida oynani ochish
Manba: BLOGER: AKMX ning · 26.10.2015 yildagi maqolasi.
