Noqonuniy o‘zlashtirilgan deb topilgan yerni qanday qilib qonuniylashtirsa bo‘ladi?
@Yurist_Xizmati 4381-savol:
Hurmatli yurist men uy joyimni kadastr qildirdim. Qaror bo‘yicha 0.10ga o‘lchov bo‘yicha 0.127 ga chiqdi. Xozirgi kunda 0.027gani noqonuniy o‘zlashtirilgan yer deb uch barovar soliq soliq to‘layabman. Shu 0.027ga yerni qonuniy rasmiylashtirish mumkin va bir barobar soliq to‘lashim mumkin.
YURIST JAVOBI:
"Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida"gi qonunining 14-moddasida ko‘ra yer uchastkalarini xususiylashtirish yer uchastkalarini onlayn auksion orqali sotib olish yo‘li bilan amalga oshirilishi mumkinligi ta’kidlangan.
✅ Siz shu onlayn auksion orqali mulk huquqini qo‘lga kiritishingiz mumkin.
❓Tartibi qanday?
Vazirlar Mahkamasining 2022 yil 14 fevraldagi 71-son qarori bilan tasdiqlangan ma’muriy reglamentga muvofiq Siz tuman (shahar) hokimiyatiga shu bobongizdan yerni xususiylashtirish bo‘yicha murojaat qilishingiz ya’ni hokimiyatdan shu yer uchastkasini buyurtmachi sifatida auksionga quyishini so‘rab murojaat qilishingiz kerak.
Hokimiyat esa uni shartli chegaralarini belgilab, davlat kadastrlik palatasining tuman (shahar) filialiga yuboradi. Filial esa yer uchastkasi haqiqatan ham bo‘sh yer ekanligi yoki taqiq bor-yo‘qligini aniqlab yana qaytarib hokimiyatga yuboradi.
Hokimiyat esa uni davlat kadastrlik palatasining hududiy (viloyat) boshqarmasiga yuboradi. Boshqarma esa uni "Yerelektron " ATT ga kirgizadi.
Yana bir necha bosqichlardan so‘ng yer uchastkasi auksionga qo‘yiladi, shunda siz yutib olib, yer uchastkasini mulk huquqi asosida qo‘lga kiritishingiz mumkin.
