O‘zini "pojarniy" xodimi deb mahallalarda yurib to‘lov undirayotgan shaxslardan ogoh bo‘ling
@Yurist_Xizmati 4428-savol:
Assalomu alaykum, Bizni ish joyimizga (novvoyxona) FVV danmiz dudbo‘ronlaringni tekshirtirdik degan hujjat qilib beramiz narxi 200.000 so‘m bo‘lmasa jarima solamiz deyapti. Ular ikki kishi, qo‘lida qanaqadir hujjatlar va guvohnomalari bor. Kelasi safar kelishimizga tayyorlab qo‘ying deb ketdi. Mazkur kishilar haqiqatda FVV xodimlari ekanligini qanday bilamiz? Ular hech narsa qilmasdan pul olishi yoki umuman jarima solishga haqlimi? Ular bizga shubhali ko‘rinmoqda..
YURIST JAVOBI:
Bunday holatlar ko‘p kuzatilmoqda. Aksariyat holatda ayrim shaxslar qalbaki guvohnomalar asosida fuqarolardan mana shunday usullarda pul undirish holatlari kuzatilmoqda.
Bu masalada FVV vazirligi ham fuqarolarga murojaat bilan chiqib, firibgarlardan ogoh bo‘lishga chaqirgandi.
❗️Sizlar ushbu xodimlar qayta kelganda FVV viloyat boshqarmasi yoki tuman bo‘limiga telefon orqali bog‘lanib, shunday xodimlar ishlashi yoki yo‘qligi haqida ma’lumot olishingiz mumkin. Agar bunday xodimlar ishlamasa, shu zahoti 102ga telefon qilib, shikoyat qilishingiz mumkin.
