13.03.2023 yil kungi O‘RQ–822-son qonun bilan Ma’muriy javobgarlik to‘g‘risidagi hamda Jinoyat kodeksiga o‘zgarish va qo‘shimchalar kiritilgan
❗️Jinoyat kodeksiga kiritilgan qo‘shimchaga ko‘ra:
umumiy foydalanishdagi elektr, issiqlik, gaz yoki vodoprovod tarmoqlariga tijorat maqsadlarida o‘zboshimchalik bilan ulanish yoxud elektr energiyasini, tabiiy gazni, sovuq yoki issiq suvni hisobga olish asboblariga, shu jumladan ularning plombalariga qasddan shikast yetkazish yoxud hisobga olish asboblarining ko‘rsatkichlarini o‘zgartirish maqsadida ularga tashqaridan aralashish yo‘li bilan talon-toroj qilish o‘g‘rilik deb baholanadi hamda mazkur huquqbuzarlik uchun 5 yilgacha ozodlikdan mahrum qilish jazosi qo‘llanilishi mumkin.
Shuningdek, Ma’muriy javobgarlik to‘g‘risidagi kodeksga kiritilgan qo‘shimchaga ko‘ra, ushbu huquqbuzarlikni oz miqdorda sodir etgan shaxslarga quyidagi ma’muriy jazo choralari qo‘llanilishi mumkin:
❗️BHMning 10 baravaridan 20 baravarigacha miqdorda jarima yoki 15 sutkagacha ma’muriy qamoqqa olish.
