Xarbiy xizmatchini “statya” bilan bo‘shatish oson ish emas.
Harbiy xizmatchilarni xizmatdan, ya’ni ishdan bo‘shashi oddiy ish emas. Harbiy xizmatchi deganda biz chaqiruv yoki kontrakt bo‘yicha oddiy askarlar, serjantlar va ofitserlar tarkibi lavozimlarida ishlayotgan Qurolli Kuchlar safidagi harbiy xizmatchilarni nazarda tutyapmiz.
Chaqiruv bo‘yicha xizmatni o‘tayotganlardan tashqari, qolgan xizmatchilarning barchasi kontrakt asosida harbiy xizmat o‘tayotgan shaxslar hisoblanadi. Tasavvur uchun aytaman, xatto harbiy prokuratura xodimlari ham kontrakt asosida ishlayotgan xarbiy xizmatchilar hisoblanadi.
Ba’zida, bizga harbiy xizmatchilar noqonuniy ishdan bo‘shatilganidan norozi bo‘lib, yordam so‘rab murojaat qilishadi. Amaliyotda ularni xarbiy xizmatchi degan nomga dog‘ tushirganligini sabab qilib ishdan bo‘shatishgan holatlari uchrab turadi.
Bilganlar biladi, Prezidentning PQ-4447-sonli qarori bilan tasdiqlangan “O‘zbekiston Respublikasi fuqarolarining harbiy xizmatni o‘tash tartibi to‘g‘risida”gi nizom bor.
Mana shu nizomning 169-bandida tomonlardan birining tashabbusiga ko‘ra kontrakt muddatidan oldin bekor qilinganligi munosabati bilan hamda harbiy xizmatchi nomiga dog‘ tushiruvchi xatti-harakat sodir etganlar haqiqiy harbiy xizmatdan bo‘shatish uchun taqdim etilganda harbiy xizmatchilar majburiy ravishda attestatsiyadan o‘tkazilishi belgilangan.
Demak, kontrakt asosida ishlayotgan xarbiy xizmatchini rahbariyat tashabbusi bilan yoki harbiy xizmatchilarni xarbiy degan nomga dog‘ tushiruvchi ishlari uchun “statya” bilan bo‘shatishga biroz shoshmaslik kerak.
Oldin bu xizmatchini attestatsiyadan o‘tkazish va attestatsiya komissiyasining tegishli hulosasini olish zarur bo‘ladi.
To‘g‘rida, davlat harbiy xizmatchilarga boshqa soha xodimlariga nisbatan katta resurs sarflaydi, bitta harbiyni tayyorlash va shu darajaga keltirish oson emas. Buning uchun qancha vaqt va qancha mablag‘ ketadi. Qolaversa, bunday shaxslarda davlatning muhim va sir saqlanishi shart bo‘lgan ma’lumotlari bo‘ladi.
Ularni shunchaki ko‘chaga chiqarib yuborish davlat uchun jiddiy xavf bo‘lishi mumkin. Attestatsiya talabi mana shu kabi omillarni ham hisobga olib joriy etilgan desak, to‘g‘ri bo‘ladi
