15 sutka qamalgan shaxs o‘qituvchi bo‘lishi mumkinmi?
@Yurist_Xizmati 4514-savol:
Savolim shundan iborat 15 sutka kamalib chiksa xam uktiuvchilik kilsa buladimi? suda ayibni tan olgan
YURIST JAVOBI:
Pedagogning maqomi to‘g‘risidagi qonun 15-moddasiga asosan Quyidagi shaxslarning pedagogik faoliyat bilan shug‘ullanishiga yo‘l qo‘yilmaydi:
qonuniy kuchga kirgan sud hukmiga muvofiq pedagogik faoliyat bilan shug‘ullanish huquqidan mahrum etilgan shaxslar;
qonunchilikda belgilangan tartibda sud tomonidan muomalaga layoqatsiz yoki muomala layoqati cheklangan deb topilgan shaxslar;
pedagogik faoliyatni amalga oshirishga to‘sqinlik qiladigan kasalliklari bo‘lgan shaxslar;
psixiatriya yoki narkologiya muassasalarida hisobda turgan shaxslar.
Qasddan sodir etilgan jinoyat uchun ilgari sudlangan shaxslarni pedagogik faoliyat bilan bog‘liq lavozimlarga qabul qilish man etiladi.
❗️Shunga ko‘ra ma’muriy jazo qo‘llash haqidagi sudning qarorida pedagogik faoliyat bilan shug‘ullanish mumkin emasligi qayd etilgan bo‘lsagina o‘qituvchilik faoliyati bilan shug‘ullanish mumkin emas.
