94 ko'rilgan
Homilador xodim OTM tanlovida qatnasha olmaydimi?

@Yurist_Xizmati 4551-savol:

Assalom alaykum men O‘zDJTU da 2021- yildan buyon stajor-o‘qituvchi lavozimida ishlab kelaman 2022- yil mart oyida onalik ta'tiliga chiqdim va shu yili sentabr oyidan yana faoliyatimni davom ettirishni boshladim iyun 2024- yil iyun oyida o‘qituvchi lavozimiga tanlovdan o‘tish uchun ariza bilan murojaat qilganimda farzandim 15.03.2022 yilda tug‘ulgan 3 yoshga to‘lmagani uchun tanlovda ishtirok etolmasligimni aytishdi ln men faoliyatimni olib borayapmanku onalik ta'tilida emasman o‘z hohishim bn tanlovdan o‘tmoqchiman shu masalaga oydinlik kiritib bersangiz

YURIST JAVOBI:

Vazirlar Mahkamasining 2006-yil 10-fevraldagi 20-son qaroriga ilovada tasdiqlangan Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi Nizom 8-bandiga ko‘ra o‘qituvchi (assistent) o‘qituvchi-stajor lavozimini egallash uchun tanlovda tegishli mutaxassislik bo‘yicha oliy ma’lumotga ega bo‘lgan shaxs (magistr, diplomli mutaxassis) qatnashishi mumkin.

Ushbu nizom 9-bandida homilador ayollar, shuningdek uch yoshgacha bolalari bo‘lgan ayollar egallab turgan lavozimlarga tanlov e’lon qilinmasligi belgilangan. Lekin bu qoidaning mazmuni mutlaqo boshqacha.

Sizdagi vaziyatdagi kabi homilador yoki 3 yoshga to‘lmagan bolasi bor o‘qituvchi yuqori lavozimga nomzodga jalb etilmaydi emas, ularga yuqori lavozimlarga tanlovda ishtirok etishda hech qanday cheklov yo‘q. Agar bo‘lganda ham bu Mehnat kodeksiga va asosiysi Konsitutsiyaga zid kelardi.

❕Qarang! Konstitutsiyamizning 42-bandiga ko‘ra homiladorligi yoki bolasi borligi sababli ayollarni ishga qabul qilishni rad etish, ishdan bo‘shatish va ularning ish haqini kamaytirish taqiqlanadi. Shuningdek, Mehnat kodeksining 4-moddasiga ko‘ra bunday harakat kamsitish hisoblanadi.

9-banddagi qoidaning mazmuni quyidagicha:
Nizomning 3-bandida OTMga pedagoglar 5 yil muddatga qabul qilinadi. Bunda besh yillik muddat tamom bo‘lgandan keyin ko‘rsatib o‘tilgan lavozimlar mazkur Nizomga muvofiq tanlov asosida egallanadi.

☝️E’tibor bergan bo‘lsangiz, 5 yillik muddat tugagandan so‘ng ishga qabul qilingan shaxs ishlab turgan lavozim uchun qayta tanlov o‘tkaziladi.

❗️Lekin homilador yoki 3 yoshga to‘lmagan bolasi bor shaxs egallab turgan nomzod uchun tanlov o‘tkazilmaydi.

✅ Xulosa qiladigan bo‘lsak, siz o‘qituvchilik lavozimiga nomzod bo‘lib tanlovda ishtirok etishingiz mumkin.
Bu mavzu Turli maslahatlar bo'limida 6 kun oldin da maqola yozgan. | 94 ko'rilgan