Xorijiy konsultant va ekspertlarni jalb qilish bo‘yicha alohida tartib joriy qilindi.
Davlat organlari va davlat tashkilotlari tomonidan tarkibiy islohotlarni amalga oshirish uchun xorijiy konsultantlar va ekspertlarni jalb qilish bo‘yicha alohida tartib joriy qilindi.
Bu tartib Prezidentning 2024 yil 30 maydagi PQ-198-sonli qarori bilan tasdiqlangan alohida nizomda belgilanmoqda. Asosiy talablar:
➖Xorijiy konsultant va ekspertni yollash uchun buyurtmachi davlat tashkiloti, xorijiy konsultant yoki ekspert va Prezident huzuridagi Strategik islohotlar agentligi o‘rtasida 3 tomonlama shartnoma tuziladi.
Shartnoma bir yilgacha muddatga tuziladi va keyinchalik uni uzaytirish mumkin.
➖Buyurtmachi davlat tashkilotlari xorijiy konsultant va ekspertlarni to‘liq stavkada yoki ma’lum bir loyihani bajarish muddatiga belgilangan xodimlar soni doirasida yoki qo‘shimcha ravishda jalb qilishi mumkin.
➖Xorijiy konsultant va ekspertlar qonunchilikda belgilangan tartibda davlat fuqarolik xizmati lavozimiga ishga qabul qilinishi mumkin.
➖Xorijiy konsultant va ekspertlar: xorij tillarini (ingliz, rus va boshqa tillarni) zarur darajada bilishi, ijtimoiy soha, iqtisodiyot va boshqa ahamiyatga ega bo‘lgan yo‘nalishlarni isloh qilish bo‘yicha bilim, malaka va zarur ko‘nikmalarga ega bo‘lishi, nufuzli xalqaro tashkilotlar yoki xorijiy davlatlarning ilg‘or korxona va tashkilotlarida ish tajribasiga ega bo‘lishi lozim.
Buyurtmachi tashkilot tomonidan xorijiy konsultant va ekspertni jalb qilish uchun avval bu Strategik rivojlanish agentiligi tomonidan tasdiqlanishi lozim.
Buning uchun buyurtmachi tashkilot ushbu Agentlikka quyidagi hujjatlarni taqdim etishi kerak bo‘ladi:
➖buyurtmachi tashkilotning birinchi rahbarining xulosasi;
➖tarjimayi hol (CV ma’lumotnoma), ma’lumotnoma va amaliyot partfoliosi;
➖diplomlar va boshqa sertifikatlarning nusxalari;
➖o‘tgan yillarda bajarilgan va amalga oshirilayotgan loyihaga taalluqli ishlar va loyihalar haqida ma’lumot;
➖xorijiy konsultant va ekspertning loyiha bo‘yicha rejasi, agar to‘liq stavkada jalb etilsa, ushbu sohani rivojlantirish bo‘yicha takliflari;
➖oldingi ish joyi rahbariyatidan yoki loyiha tashabbuskoridan tavsiyanoma;
➖buyurtmachi tashkilot tomonidan xorijiy konsultant va ekspertni ishga jalb etilganligi yuzasidan belgilangan tartibda ruhsat etilganligi to‘g‘risidagi rasmiy hujjatlar nusxalari.
