31 ko'rilgan
Simobli termometr sinib qolsa nima qilish kerak!

Simob nihoyatda zaharli moddalar qatoriga kiradi. Ayniqsa uning bug‘lanib havoda tarqalishi inson sog‘lig‘iga jiddiy zarar yetkazishi mumkin. Kundalik hayotimizda simobli termometrlardan foydalanganda juda ehtiyot bo‘lish zarur, sababi, xonaning burchaklarida qolib ketgan simob donachalari bir necha yillargacha saqlanib havoni zaharlaydi.

Agarda termometrni sindirib qo‘ysangiz simobning harakatchan sharchalaridan xalos bo‘lishda mutaxassislar quyidagi maslahatlarni beradilar:

-Simobni aslo qo‘lingiz bilan ushlamang! Changyutgichdan foydalanishni hayolingizga keltirmang, bu bilan siz xavfli moddani havoga tarqatasiz xalos.

-Singan termometrni chiqindi qutisiga tashlamang. Parlangan 2gramm simob 6000 kubometr havoni zaharlaydi.

-Simobni aslo supurmang: supurgi simobni mayda simob changiga aylantiradi va uni yig‘ib olish yanada qiyinlashadi.

-Simobni yig‘ib olmaguningizcha xonada yelvizak qilako‘rmang, aks holda simob sharchalari butun xona bo‘ylab tarqaladi.

-Simob tekkan kiyim yoki poyafzalni kir yuvish mashinasida yuvib bo‘lmaydi, ushbu buyumlarni tashlab yuborgan ma’qul.

-Simobni kanalizatsiyaga oqizmang. Uning kanalizatsiya quvurlarida o‘rnashib qolish xususiyati bor. Bundan tashqari simobni kanalizatsiyadan tozalash nihoyatda mushkul ish.

Endi esa simobdan to‘g‘ri xalos bo‘lishni o‘rganamiz:

-Qo‘llaringizga rezina qo‘lqop kiyib simobning mayda sharchalarini bitta katta sharchaga birlashtiramiz va ho‘llangan qalin qog‘ozga o‘rab, yaxshi yopiladigan bankaga solamiz.

- Keyin esa polni margansovkali(kaliy permanganat) suv bilan, qo‘llarimizni esa kir sovun bilan yaxshilab yuvamiz. Kaliy permanganatni hozirda veterinariya dorihonalaridan topsa bo‘ladi.

-Pol artilgan latta va qo‘lqoplarni tashlab yuboramiz. Xona derazalarini ochib tashlaymiz. Simob solingan bankani vaqtincha yerto‘lada ishonchli joyga qo‘yib turamiz va tez orada mutaxassislarga topshiramiz.

Simobli termometrlarning xavfliligi Yevropa Ittifoqi va yana bir qancha davlatlarda tan olingan va ta’qiqlangan.

 Elektron termometrlar bemalol simobli termometrlarning o‘rnini bosa oladi. Ular xavfsiz va juda qulay. Ular simoblilardan tez ishlaydi va ma’lumotlarni xotirada saqlay oladi.
Bu mavzu Turli maslahatlar bo'limida 15 May da maqola yozgan. | 31 ko'rilgan

O'xshash maqolalar bilan tanishing