AVVAL SUBSIDIYADAN FOYDALANIB UY-JOY OLGAN OILA YANA SUBSIDIYA BILAN UY OLSA BO‘LADIMI ?
⚡️SAVOL;
Biz oldin xam subsidiya orqali uy-joy olganmiz lekin, avvalgi olgan uyimizni sotib yuborgan edik. Hozirgi kunda uy-joy uchun beriladigan subsidiyadan foydalanib yana uy olishimiz mumkinmi ?
⚡️JAVOB;
Vazirlar Mahkamasining 182-son qarori bilan tasdiqlangan nizomning 34-bandida, fuqarolarga uy-joy uchun subsidiya ajratilishining rad etish sabablari ko‘rsatilgan bo‘lib, unga ko‘ra, ilgari shahar va qishloq joylarda arzon uy-joy qurish dasturlari doirasida imtiyozli ipoteka kreditlaridan foydalangan holda kvartira yoki yakka tartibdagi uy-joy hamda subsidiya olgan (avval olingan uy-joy boshqa shaxsga begonalashtirib yuborilgan taqdirda ham) oila a’zolari (eri, xotini) takroriy murojaat etganda ariza rad qilinadi deb ko‘rsatilgan.
✏️ Bundan tushunish mumkinki, agar ilgari subsidiyadan foydalanib uy-joy olgan bo‘lsalaring endilikda bunday imkoniyatdan foydalana olmaysizlar. Bu normada bo‘shliq yo‘q. Ya’ni, har qanaqasiga xam bir marta subsidiya bilan uy olgan oila ikkinchi bor yana shunday qilolmaydi. Birinchi olgan uyingiz eringizni nomiga olingan bo‘lsa xam, agar er o‘zingiz bo‘lsangiz xotiningizni nomiga olingan bo‘lsa xam, u uyni yashash sharoiti bo‘lmasa xam, uyni shartnomadagi kredit to‘lovchisini o‘zgartirib yuborgan taqdiringizda xam yoki uy olganingizdan beri oradan ancha vaqt o‘tib ketgan bo‘lsa xam yo bo‘lmasa — "Taqdir ekan yaxshi ega bo‘lolmadim, kechirasan krediting to‘lolmadim" deb, kreditini to‘lashga qiynalib u uyni qandaydir xujjatlar bilan boshqa odamga sotib yuborgan taqdiringizda xam takroran subsidiyali uy ololmaysiz..
