AMЕRIKADAN YUBORILGAN PUL UCHUN SOLIQ HISOBLANADIMI?
Assalomu alaykum Amerikada grin karta bilan ketib ishlayotgan fukaro, Amerikadagi korxona orali uzining ish xakisini Uzbekistondagi bank xisob rakamiga (vkladiga) ko‘chirganda JSHDS tulashi kerakmi?
JAVOB:
Soliq kodeksining 364-moddaiga asosan O‘zbekiston Respublikasi rezidentlari O‘zbekiston Respublikasidan tashqarida olgan daromadi bo‘yicha ham soliq to‘lovchi hisoblanadilar. Tegishli maqomi o‘ziga nisbatan belgilangan soliq davri boshlanadigan yoki tugaydigan har qanday ketma-ket o‘n ikki oylik davr davomida jami bir yuz sakson uch kalendar kundan ko‘proq O‘zbekiston Respublikasida haqiqatda bo‘lgan jismoniy shaxslar O‘zbekiston Respublikasining soliq rezidentlari deb e’tirof etiladi.
Agar jismoniy shaxs tegishli soliq davrida O‘zbekiston Respublikasida jami bir yuz sakson uch kundan kam bo‘lib, biroq ushbu turish muddati uning boshqa biror-bir davlatda turgan muddatidan ko‘proq bo‘lsa ham, u O‘zbekiston Respublikasining soliq rezidenti deb e’tirof etiladi. Shu sababli O‘zbekiston Respublikasi rezidenti talabblariga javob bersangiz 12 foizlik stavkda jismoniy shaxslardan olinadigan daromad solig‘i to‘laysiz. Norezident jismoniy shaxslar faqat O‘zbekiton Respublikasida olgan daromadi bo‘yicha jismoniy shaxslardan olinadigan daromad solig‘i to‘laydilar.
Ya’ni sizning daromad solig‘i to‘lashingiz O‘zbekiston Respublikasi xududida soliq rezidenti bo‘lish bo‘lmasligingizga bog‘liq.
