Kashandalar nimalar bilan o‘zlarini zaxarlashini bilasizmi?
Sigaretalar. Filtr va turli xil tamaki turlaridan tayyorlangan aralashmasidan ishlab chiqariladi. Sigaretalar chekish maxsulotlari orasida eng zararlisi hisoblanadi. Sigareta yonganda, saraton kasalliklari va kuchli gen mutatsiyasiga olib kelishi mumkin bo‘lgan 7000dan ortiq zararli moddalarni o‘z ichiga oluvchi tutunni hosil qiladi.
Kalyan. Tamaki ko‘mir yordamida kuydiriladi va suvdan o‘tuvchi tutunni hosil qiladi, keyin esa sovutilgan holda o‘pkaga kiradi. Sigaretalar kabi kalyanni chekish ham saraton, yurak xastaligi va genetik shikastlanish kabi xavflar bilan bog‘liq bo‘ladi. Kalyanni bir chekish davomida bir sigareta tututiga nisbatan 25 barobar ko‘p qatron, 125 barobar ko‘p tutun, 2,5 barobar ko‘p nikotin va 10 barobar ko‘p uglerod oksidi ishlab chiqaradi. Biroq, kalyan har kuni ham chekilmaydi.
Qizdiriladigan tamaki. Bu turdagi tamakilarni gugurt yoki yondirgichsiz (zajikalkasiz), lekin maxsus elektron moslama, qizdirish tizimi yordamida chekiladi. Olov bo‘lmaganiligi sababli, tamakini qat’iy belgilangan haroratgacha qizdirish orqali nikotin chiqaradi. Adabiyotlarda aytilishicha, yonish jarayoni bo‘lmagani uchun kamroq zaharli moddalar ishlab chiqaradi, hamda saraton va yurak-qon tomir kasalliklari xavfini kamaytiradi.
Veyplar yoki elektron sigaretalar. Ular nikotinli yoki nikotinsiz suyuqlik va uni aerozol tumaniga aylantiruvchi elektron purkagichdan iborat. Ilmiy maqolarlaga, muvofiq bug‘lanib chiqqan aerozolda sigaretalar tutuniga nisbatan 95% kamroq zararli moddalar mavjud. Biroq, elektron sigareta va veyplarning suyuqliklari turlicha bo‘ldai va ularni yaxshilab o‘rganish talab etiladi.
Nosvoy - chaynaladigan tamaki. Turli qo‘shimcha va maydalangan nam yashil tamaki barglarining changidan tayyorlagan aralashmasi. Aralashmaning asosiy faol moddasi - nikotindir. Ularning 50ga yaqin turlari mavjud. Nikotinni qonga singish darajasi bo‘yicha nosvoyning o‘rtacha bir qismi kamida 3-4 ta sigaretaga teng.
