Negativ insonlarning gapiga quloq solmang, ular bilan bahslashmang, aql o‘rgatmang, ularning smslarini ham o‘qimang!
Ichidagi axlatini, zaharini chiqarishga o‘rgangan odamlar, salbiy emotsiyalarini tashlash uchun bo‘sh qalbni qidirishadi. Ularni eshitdingizmi, tortishdingizmi, fikr almashdingizmi, bilingki o‘sha negativ axlatni o‘zingizga oldingiz.
Kun davomida o‘sha og‘irlik, yoqimsiz holat bilan yurishga majbursiz.
Yomon odam bilan bahslashmang! Hech qachon! Unga o‘zingizning haq ekaningizni isbotlashning aslo keragi yo‘q, foydasi yo‘q, ular buni tan olishmaydi! Sizni yomon deydi, kamsitadi, ataylab jahlingizni chiqaradi, urshishingini istaydi... bu provakatsiya... eshitmang uni, turib keting, uzr so‘rang, ishingizni qiling, keyinroq gaplashamiz deng, hozir bahslashishga tayyor emasligingizni ayting, xullas mingta bahonani toping va keting bunday odamning oldidan!
Agar uning darajasiga tushsangiz, u bilan bahsga kirishsangiz, bilingki siz ham o‘sha odamdeksiz.
