✅ Tirnoq va uning atrofini tishlash holati onixofagiya deb ataladi. Bu odat koʼproq psixologik holatlar bilan bogʼliq boʼladi va stress, tashvish yoki qattiq tushkunlik paytida kuzatiladi. Buning sababini chuqur kuzatuv orqali aniqlash mumkin.
❗️Аgar bola koʼpchilikning oldiga chiqishdan avval tirnoqlarini tishlay boshlasa, buning sababi odamlarga nisbatan biroz qoʼrquv boʼlishi mumkin. Bu holat oilaga yangi chaqaloqning kelishi natijasida eʼtiborning kamayishi sababli ham kuzatiladi.
Bolalar asosan avtomatik tarzda, oʼzining xatti-harakatidan bexabar bu ishni amalga oshiradi. Bolalarni ushbu odatdan tanbeh berib qaytarib boʼlmaydi. Bu odatni bartaraf etish uchun qoʼllarni oʼyinchoqlar bilan band qilish lozim. Hammasidan ham foydalisi - ota-ona mehri va eʼtiboridir
