Toshkentdagi ikki qavatli eski uylar va ayrim turar joylar buziladi
Shavkat Umrzoqov Toshkent shahrida yarim million gektar hududdagi binolar renovatsiya qilinishi kerakligini aytdi. Hokimning ta’kidlashicha, bunday binolar qatoriga 2 qavatli eski uylar va Sergeli tumanidagi ayrim turar joylar ham kiradi.
Bu haqda Shavkat Umrzoqov 27 fevral kuni davlat rahbari bilan bo‘lgan yig‘ilishdan so‘ng "O‘zbekiston 24" telekanaliga bergan intervyusida aytib o‘tgan.
Umrzoqov poytaxtning o‘zida 500 gektardan ortiq bo‘lgan hududda qayta yangilanishga muhtoj binolar borligini ta’kidladi. Ular qatorida sobiq sovet vaqtida qurilgan 2 qavatli binolar ham bor.
“Ko‘p yillar oldin qurilgan 2 qavatli binolar, Sergeli tumanida vaqtinchalik qurilib ketgan uylar – [ularning] hammasi bugungi kunda talabga javob bermaydi, xavfsizlik nuqtayi nazaridan ularda risk katta.
Albatta, davlat biznesga sharoit yaratib bergani uchun xususiy sektor ularni [uylarni] bemalol ko‘chiradi, u yerda zo‘r, chiroyli qurilish obyektlarini barpo etadi”,– dedi u.
