125 ko'rilgan
Vazir ustamasidan beriladigan ustama ta’til puli yoki dekret pulini hisoblashda qo‘shiladimi?

@Yurist_Xizmati 4348-savol:

Assalomu aleykum. Vazir ustmasi dikret puli va otpusk puliga qòshiladimi?

YURIST JAVOBI:

Vazirlar Mahkamasining 2022-yil 2-avgustdagi 425-son qaroriga 1-ilovada tasdiqlangan Xalq ta’limi vazirining jamg‘armasi to‘g‘risidagi Nizomda vazir ustamasidan tayinlangan ustamalar xodimlarga ta’til pulini yoki homiladorlik va tug‘ish ta’tili uchun nafaqalarni hisoblashda chiqarib tashlanishi belgilanmagan.

Qarang! Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.

Bunda o‘rtacha ish haqi u hisoblanadigan oydan oldingi o‘n ikki oyni tashkil etuvchi hisob-kitob davri yoxud agar xodim o‘n ikki oydan kam ishlagan bo‘lsa, amalda ishlangan davr uchun xodimga hisoblangan ish haqidan kelib chiqqan holda belgilanadi (MK 257-m 1-qism).

Shu qoidaga ko‘ra xodimning o‘rtacha oylik ish haqini hisoblashda u 12 oydan ortiq ishlagan bo‘lsa, uning ta’tilga chiqishdan oldingi 12 oylik davrda korxonadan olgan barcha to‘lovlari (ish haqi, moddiy yordam, mukofot puli hamda ustamalar) qo‘shilgan holda 12ga bo‘linadi.

✅ Bundan ko‘rinib turibdiki, xodimga ta’til puli yoki dekret pulini hisoblashda ustamalar qo‘shiladi.

‍♂️ Endi qarang! Dekret puli ish haqidan kelib chiqib hisoblanadi.

«Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida»gi nizom (ro‘yxat raqami: 1136, 08.05.2002 y.) 52-bandiga muvofiq nafaqalarni hisoblab chiqarishda hisobga olinadigan ish haqining barcha turlari, shu jumladan mazkur oyda ish haqi bilan birgalikda to‘lanadigan oylik mukofotlar ularning haqiqatda olingan vaqti bo‘yicha emas, balki ular hisoblab yozilgan vaqt bo‘yicha ish haqiga qo‘shiladi.

Bunda vaqtincha mehnatga qobiliyatsizlik yoki homiladorlik ta’tili boshlangan oydan oldingi 12 oy davrida olgan va sug‘urta badallari chegirilgan barcha mukofotlarning 1/12 qismi nafaqa hisoblab chiqariladigan oylik ish haqiga qo‘shilib, o‘rtacha oylik ish haqi miqdori aniqlanadi.

❗️Qoidaning mazmuni shundan dalolat beradiki, homiladorlik va tug‘ish ta’tili uchun nafaqani hisoblashda xodimning korxonada ishlagan davrda olgan har qanday to‘lovlari (bu to‘lovlar ichiga xodimga berilgan moddiy yordam, rag‘batlantirish to‘lovlari, soatbay asosda olgan ish haqi, shu jumladan barcha ustamalar ham kiradi) hisobga olishi lozim.
Bu mavzu Sud va huquqiy maslaxatlatlar bo'limida 24 Fev da maqola yozgan. | 125 ko'rilgan