Maktab buxgalterlari ham direktor jamg‘armasidan ustama olishi mumkinmi?
@Yurist_Xizmati 4392-savol:
Assalomu alaykum. Men Urganch ixtisoslashtirilgan san'at maktabida bosh xisobchi lavozimida ishlayman. Bizning maktab Madaniyat vazirligiga qaraydi. Vazirlar mahkamasining 03.09.1999 yildagi 414-sonli qarori bo‘yicha direktor jamg‘armasidan ustama olishim mumkinmi? Agar mumkin bo‘lsa necha foiz olish mumkin?
YURIST JAVOBI:
Ixtisoslashtirilgan san’at va madaniyat maktablaridagi Direktor jamg‘armalari ham Vazirlar Mahkamasining 2019-yil 30-sentyabrdagi 823-son qaroriga 1-ILOVA "Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida"gi NIZOM asosida tashkil etiladi va faoliyat olib boradi.
Mazkur nizomning 4-bandiga muvofiq, Jamg‘armaning vazifalari quyidagilardan iborat:
▪️umumta’lim muassasalarining o‘rnak ko‘rsatgan pedagog (ular umumiy sonining ko‘pi bilan 50 foizi), psixolog va kutubxona xodimlarining bazaviy tarif stavkasiga har oylik ustama belgilash yo‘li bilan ularni moddiy rag‘batlantirish;
▪️umumta’lim muassasalari xodimlarini mukofotlash va ularga moddiy yordam berish;
▪️tejalgan mablag‘lar mavjud bo‘lgan taqdirda, ushbu mablag‘lar hisobidan xodimlarning vaqtincha mehnatga layoqatsizligi bo‘yicha to‘lanmagan nafaqalarni moliyalashtirish.
✅ Shunday ekan bu jamg‘armadan ustamalar faqat pedagog, kutubxonachi va psixologlarga to‘lanadi.
❌ Siz buxgalter sifatida bu jamg‘armadan ustama ololmaysiz.
