49 ko'rilgan
Maktabda o‘g‘il bolalarga kostyum-shim kiyish majburiy bo‘ldimi?

@Yurist_Xizmati 4393-savol:

Assalomu alaykum maktabda ogil bolalarga kastyum shim kiyish majburiy boldimi?

YURIST JAVOBI:

❗️Faqat kostyum-shim kiyish kerak degan qoida yo‘q.

Savolingizga quyidagicha javob beramiz. Maktabgacha va maktab ta’limi vazirining 2023-yil 31-avgustdagi 282-son buyrug‘iga 1-ilovada tasdiqlangan Umumiy o‘rta ta’lim muassasasining takomillashtirilgan namunaviy odob-axloq qoidalari 10-bandiga ko‘ra ta’lim muassasa ustavida ta’lim-tarbiya jarayoni ishtirokchilarining mehnat faoliyati davomida kiyinish madaniyatiga bo‘lgan talablar aks ettirilmagan bo‘lsa, quyidagilar namunaviy talab sifatida tavsiya etiladi:

Erkaklar mavsumga qarab – klassik uslubdagi shim, kostyum-shim (imkon qadar qora, to‘q ko‘k rangdagi), ko‘ylak (oq, havorang va shu kabi), bo‘yinbog‘, poyabzal (qora rangda bo‘lishi tavsiya etiladi) kiyishi belgilangan.

Umume’tirof etilgan milliy-an’anaviy shakllarga va ma’naviy-axloqiy tarbiyaga zid keladigan yoki sport (dars jarayonida maxsus yoki sport kiyimida jismoniy tarbiya va chaqiriqqa qadar boshlang‘ich tayyorgarlik fanlari o‘qituvchilarining yurishiga ruxsat beriladi, shuningdek, ta’lim muassasasi hududida o‘tkaziladigan turli sport va ko‘ngilochar tadbirlar bundan mustasno) kiyimlarida bo‘lmasligi lozim.

☝️Yuqoridagi qoidalarga ko‘ra, o‘g‘il bolalar maktabga faqat kostyum-shimda kelishlari shart degani emas

✅ Demak, o‘g‘il bolalar maktabga yuqoridagi talablar asosida kiyingan holda kelishsa yetarli.
Bu mavzu Ta'lim bo'limida 24 Fev da maqola yozgan. | 49 ko'rilgan