YERIMGA 3 BAROBAR SOLIQ SOLINMOQDA NIMA QILISHIMIZ KЕRAK?
Assalomu alaykum. Savol: Soliqdan 3 mnl qarz keldi nega desak kadastr qilmaganinggiz uchun (kadastrga ariza berganmiz jarayonda) 3 barobar hisoblandi ded aytishdi.Prezidenning 192-sonli qarori bo‘yicha 3 barobar hisoblash bekor bolgan desam yoq unday emas deb aytishdi
JAVOB:
Soliq kodeksining 437-moddasi sakkizinchi qismiga ko‘ra, yer uchastkalaridan hujjatlarsiz yoxud yer uchastkasiga bo‘lgan huquqni tasdiqlovchi hujjatlarda ko‘rsatilganidan kattaroq hajmda foydalanilganda, soliq stavkasi belgilangan soliq stavkalarining uch baravari miqdorida belgilanadi.
Shuningdek, O‘zbekiston Respublikasi Prezidentining 2023-yil 14-iyundagi “Faol ishbilarmonlik muhitini shakllantirishni yanada rag‘batlantirish, soliq majburiyatini bajarishda aholi tomonidan ortiqcha xarajatlarga yo‘l qo‘ymaslik hamda qo‘shimcha ish o‘rinlarini yaratishga doir chora-tadbirlar to‘g‘risida” PQ-192-son qarorining 5-bandi bilan Iqtisodiyot va moliya vazirligi hamda Adliya vazirligining 2024-yil 1-iyunga qadar yer uchastkalaridan hujjatlarsiz foydalanayotgan jismoniy shaxslarga yer solig‘ining uch karra oshirilgan stavkasida soliq hisoblash tartibini to‘xtatib turish to‘g‘risidagi taklifiga rozilik berilgan.
Ammo bu masalada hali soliq kodeksiga o‘zgartirish kiritilmaganligi sababli 3 barobar soliq hisoblanishda davom etadi
