Qaynakasi nomidagi uyga kelin majburiy kira oladimi?
Bu holatda kelin sizning nomingizda bo‘lgan uyga majburiy kiritiladi.
Qarang! Uy-joy kodeksining 32-moddasi birinchi qismiga asosan uy, kvartira mulkdorining oila a’zolari, shuningdek u bilan doimiy yashayotgan fuqarolar, agar ularni ko‘chirib kelgan paytda yozma ravishda boshqa hol qayd etilgan bo‘lmasa, uydagi, kvartiradagi xonalardan mulkdor bilan teng foydalanishga haqlidirlar.
E’tibor bergan bo‘lsangiz, yuqoridagi normada mulkdorlik oila a’zolarigina uyda mulkdor bilan teng huquqlarda foydalanish huquqiga egaligi qayd etilgan.
Bunda bu (ya’ni oila a’zolari) shaxslar uy, kvartiraning mulkdori bilan oilaviy munosabatlarni tugatgan taqdirda ham ularda turar joydan foydalanish huquqi saqlanib qoladi.
Demak, er-xotin ajrashsa ham ulardan birining nomida bo‘lgan uy-joyda boshqasi yashash huquqini saqlab qoladi.
Endi asosiy masalaga qaytsak, kimlar mulkdorning (uy-joy nomida bo‘lgan shaxs) oila a’zolari deb e’tirof etiladi?
☝️Yuqoridagi moddaning ikkinchi qismida turar joy mulkdorining oila a’zolari deb u bilan doimiy birga yashayotgan xotini (eri) va ularning farzandlari tan olinishi belgilangan.
Bundan tashqari Oila kodeksining 59-moddasiga muvofiq er (xotin) va uning yaqin qarindoshlari bilan xotin (er) qarindoshlarining bir-biriga nisbatan munosabatlari (qayin-bo‘yinchilik va quda-andachilik) o‘zaro huquq va majburiyatlarni keltirib chiqarmaydi.
Shunday ekan kelinning sizga tegishli bo‘lgan uyga kiritishni talab qilishi huquqiy asosga ega .
