Vazir ustamasiga davogarlik qila olamanmi?
@Yurist_Xizmati 4320-savol:
Assalomu alaykum. Men 2024-yil yanvardan tayanch doktoranturaga òqishga kirdim. Asosiy ish joyim maktabda, doktoranturaga òqishga kirganligim sababli asosiy ish òrnimni yanvar oyidan soatboyga òzgartirdim. Yanvardan vazir ustamasi uchun test sinovlari boshlanar ekan. Shu ustamaga men ham topshirsam bòladimi?
YURIST JAVOBI:
Vazirlar Mahkamasining 2022-yil 2-avgustdagi 425-son qaroriga 1-ilovada tasdiqlangan Xalq ta’limi vazirining jamg‘armasi to‘g‘risidagi Nizom 6-bandiga ko‘ra vazir jamg‘armasidan ustama vazirlik tizimidagi umumiy o‘rta ta’lim muassasalarida faoliyat yuritayotgan malakali pedagog kadrlarga har oylik ustama to‘lash uchun qo‘llaniladi.
Bunda malakali pedagog kadrlar — Vazirlik tizimidagi umumiy o‘rta ta’lim muassasalarida faoliyat yuritayotgan:
o‘quvchilari oliy ta’lim muassasalariga yoki Prezident, ijod va ixtisoslashtirilgan maktablarga kirish imtihonlarida eng yuqori natija ko‘rsatgan pedagog kadrlar;
o‘quvchilari xalqaro yoki respublika miqyosidagi musobaqa va tanlovlarda sovrinli o‘rinlarni qo‘lga kiritgan pedagog kadrlar hisoblanishi nizom 4-bandida qayd etilgan.
✅ Shunga ko‘ra siz ham malakali pedagog kadr toifasiga kirsangiz, ustama uchun harakat qilishingiz mumkin. Nizomda soatbaylarga yoki o‘rindoshlarga to‘lanmasligi haqida alohida cheklov yo‘q.
