⚡️SAVOL;
Ma’lum bir maqsad uchun egalik huquqi asosida ajratib berilgan yerdan boshqa maqsadda foydalansa nima bo‘ladi. Masalan, to‘yxona qurish uchun ajratib berilgan yerga to‘yxona emas qo‘yxona qursa bo‘ladimi ?
⚡️JAVOB;
Yer kodeksining 36-moddasi yer uchastkalariga bo‘lgan huquqlarning bekor qilinishi deb nomlanib, ushbu moddaning 6-qismida yer uchastkasidan belgilanganidan boshqa maqsadlarda foydalanilganida yerdan doimiy yoki muddatli yoxud ijara asosida foydalanish huquqi bekor qilinadi deb ko‘rsatilgan.
✏️ Bu nima degani ? Masalan, Sizga to‘yxona qurish uchun qonuniy tartibda yer ajratib berildi, lekin Siz u yerga kelishuvdan chiqib to‘yxona emas qo‘yxona qurib foydalana boshladingiz. Anashunday holatda Siz bilan to‘yxonaga kelishgan tashkilot yoki boshqa vakolatli organlar monitoring o‘tkazganida u yer to‘yxona emas qo‘yxona bo‘lib turgan bo‘lsa, u yerdan qo‘ylarni haydashingizga to‘g‘ri keladi va voqealar rivoji Sizni o‘sha yerdan yuqoridagi normada ko‘rsatilgan shakllarda foydalanish huquqingizni bekor bo‘lishi bilan yakunlanadi.
✏️ Bundan boshqa holatlarda xam shunday. Masalan, Siz tegishli joyga murojaat qilib, menga manashu joyni bersalaring qurilish qilib birinchi qavatini ma’muriy bino qilaman va birinchi qavatda advokatura bilan notarius joylashadi. Ikkinchi qavatida esa, bolalar ta’lim olishlari uchun o‘quv markazi ochiladi deb kelishib, qonuniy tartibiga ko‘ra yerni olganingizdan keyin shartnoma yoki loihada ko‘rsatilmagan holda qurgan binoingizni spa-salonga moslashtirib yuborsangiz xam o‘sha gap. Sekin lash-lushlarni yig‘ishtirishga to‘g‘ri keladi..
