Chet eldan avtomobil olib kelganman. Uni ro‘yhatdan o‘tkazish uchun qanday hujjatlar taqdim etaman?
JAVOB:
O‘zbekiston Respublikasi hududiga olib kelingan va vaqtinchalik olib kirish bojxona rejimiga rasmiylashtirilgan avtomototransport vositasini vaqtinchalik ro‘yxatdan o‘tkazish uchun egasi yoki uning vakili hududiy YHXDX organlariga quyidagi hujjatlarni taqdim etadi:
- yuk bojxona deklaratsiyasi;
- transport vositasi egasining yoki uning vakilining shaxsini tasdiqlovchi hujjati;
- yuk tashuvchi avtotransport vositalari, avtobuslar va mikroavtobuslarning to‘xtash joyi to‘g‘risida ma’lumotlar;
- Vazirlar Mahkamasi huzuridagi Respublika yo‘l jamg‘armasiga belgilangan miqdordagi yig‘imning va YHXDX organlarining ro‘yxatdan o‘tkazish harakatlarini amalga oshirishdagi xizmatlari uchun to‘lovlarning to‘langanligi haqida bank to‘lov hujjati (yig‘im va to‘lovlardan ozod etilgan shaxslar bundan mustasno).
Asos: "Avtomototransport vositalarini davlat ro‘yxatidan o‘tkazish tartibi to‘g‘risida”gi Nizomning 34-bandi
