DVIGATЕL, SHASSI, KUZOV, RAMANI O‘ZGARTIRISH QAYTA JIHOZLASH HISOBLANADIMI?
JAVOB:
Yo‘q, bu qayta jihozlash hisoblanmaydi. Tushuntiramiz.
Raqamlangan agregatni (dvigatel, shassi, kuzov, rama) ayni shu marka va modeldagi avtomototransport vositasiniki bilan almashtirish yoki tayyorlovchi tashkilotlarning foydalanishga oid hujjatlarida nazarda tutilgan avtomototransport vositasining boshqa qismini (qismlarini) almashtirish avtomototransport vositasini qayta jihozlash hisoblanmaydi.
Siz bu holatda raqamlangan agregat (dvigatel, shassi, kuzov, rama) ayni shu marka va modeldagi avtomototransport vositasiniki bilan almashtirilganingizdan keyin mazkur avtomototransport vositasini Davlat yo‘l harakati xavfsizligi xizmati organlarida belgilangan tartibda qayta ro‘yxatdan o‘tkazishingiz lozim.
Eslatib o‘tamiz: avtomototransport vositasini qayta jihozlashga ruxsatnoma YHXBB tomonidan 1 yil muddatga beriladi.
Asos: Vazirlar Mahkamasining 758-sonli qarori bilan tasdiqlangan Nizom
