Homiladorlikning 30-haftasidan so‘ng homila bachadonda tug‘ilish uchun qulay holatni egallay boshlaydi. Bunda bachadon o‘qi bilan homila umurtqa pog‘onasining o‘qi bir xilda bo‘lishi lozim.
♀️Ammo ma’lum sabablarga ko‘ra har doim ham bunday bo‘lavermaydi, anig‘roq aytganda, 200 ta homiladan bir nafari bachadonda noto‘g‘ri joylashgan bo‘ladi. Homilaning kichik chanoqda ko‘ndalang, qiyshiq joylashganligi noto‘g‘ri joylashuv deb sanaladi.
Sabablari:
Ko‘p tug‘ish hamda tug‘ruqlari orasining qisqa bo‘lishi;
Bachadon nuqsonlari (ikki shoxli bachadon, egarsimon bachadon)
Ko‘p suvlik yoki kam suvlik;
Homila gipotrofiyasi (ko‘p harakat qiladi);
Muddatdan oldingi tug‘ruq;
Yirik homila;
Ko‘p homilalik;
Yo‘ldoshning oldin kelishi;
Gidrotsefaliya (homilada rivojlanish anomaliyalari kuzatilsa);
Anotomik tor chanoq;
Bachadon miomasi.
Homilaning notog’ri joylashishi quydagi asoratlarni keltirib chiqaradi
✔️Homila pufagining barvaqt yorilishi;
✔️Muddatdan ilgari tug‘ruq;
✔️Tug‘ruq faoliyatining sustligi;
✔️Homila gipoksiyasi va asfiksiyasi;
✔️Bachadon yorilishi.
Agar homila notog’ri joylashgani aniqlansa homilador ayollarga shifokor tomonidan bir qancha mashqlar tavsiya etiladi:
♀️
Bu mashqlar homiladorlikning 29-34 haftalari oralig‘ida bajarilishi lozim.
Bo‘lajak ona navbatma-navbat o‘ng va chap yonboshida yotadi. Har bir yonboshga yotish oralig‘i 10 daqiqa bo‘lishi lozim. Har bir yonboshda 3 martadan yotish kerak, mashqlarni kuniga kamida 3 marta bajargan ma’qul. Ammo ayol bachadonida chandiq, mioma, qonli ajralmalar, yurak xastaliklari kabi muammolar kuzatilsa, mashqlar ta’qiqlanadi.
To’rt oyoqlab emaklab yurish ham bu holatda kutilgan natijani beishi mumkin. Bu mashq ham kuniga 3 marta 5-7 daqiqadan bajariladi.
Mashqlar kutilgan natijani bermasa, aksariyat hollarda shifokorlar homilador ayolda dard boshlanishi bilan kesarcha kesish amaliyotini o‘tkazishni tavsiya etishadi.
