Ekkaningni o'rasan

Question

Экканингни ўрасан.

Тариқ экиб мош кутма,
Шавла солиб ош кутма.
Бир нақл бор унутма,
Экканингни ўрасан.

Отанг-онанг давлат бил,
Парвариш қил,хурмат қил.
Сенда ҳам бор қиз ,ўғил,
Экканингни ўрасан.

Фарзандни гул , ниҳол дер,
Тарбия бер ,меҳр бер.
Сўнг ҳосилин кутавер,
Экканингни ўрасан.

Ҳеч кимга зимдан, зинҳор,
Чоҳ қазима,тикма дор.
Қайтар дунё номи бор,
Экканингни ўрасан

Ёмонга ҳам яхши бўл,
Яхшиларнинг нақши бўл.
Жаннат сари солгин  йўл,
Экканингни ўрасан.