Tarbiyaga oid ba’zi bir maslahatlar:
— Bolam sochiqni olib kel, emas,
— Bolam qo‘limni artmoqchiman, deng.
— Darsingni qil, emas,
— Aqlli, tirishqoq bo‘lishingni istayman, deng.
— Kitob o‘qi, emas,
— Dunyoqarashing keng bo‘lishini istayman bolam, deng.
— Ovqatingni yegin, emas,
— Sog‘lom bo‘lishingni istayman, deng.
Bolajonlarimizga buyruq tarzida munosabatda bo‘lsak, u faqat buyruq bajaradigan, keyingi buyruq berilishini kutadigan shaxsga aylanadi.
‼️erkin, o‘zi fikrlaydigan va o‘z ishini bilib qilishini istasak, unga bo‘lgan munosabatimizni o‘zgartirishimiz zarur!
Betarbiya bola bo‘lmaydi, u shunchaki tarbiyani betarbiyadan oladi. Bolani tarbiya qilishdan avval o‘zimiz tarbiya ko‘rgan bo‘lishimiz zarur.
Barcha g‘arb psixologlari tavsiya etayotgan usullar bizga to‘g‘ri kelavermaydi. Eng yaxshi oila namunasi o‘zimizda bo‘la turib, ota-onani qadrlash o‘zimizda bo‘la turib, biz nima uchun o‘zligimizdan kechib, boshqalarga taqlid qilishimiz kerak? Keling, bir fikr qilaylik-da, o‘zligimizni, o‘zbekligimizni asrab qolaylik. Farzandlarimizga o‘zbekona tarbiya beraylik, azizlar.
