DURDONA QIZ
Kiprigi oʻq, qoshi yoydeksan,
Ajib koʻngli goʻzal soydeksan.
Osmondagi toʻlin oydeksan,
Durdona qiz oʻzing boshqasan.
Yuragimga muhabbat solib,
Hayollarim egallab olib,
Barcha goʻzal bir yonda qolib,
Durdona qiz oʻzing boshqasan.
Rashklarida mehriborginam,
Suydurasan, sexriborginam,
Birdonama, begʻuborginam,
Durdona qiz oʻzing boshqasan.
Sevmayman deb soʻzlaring bilan,
Duv uyalgan yuzlaring bilan.
Jonga yoqar nozlaring bilan,
Durdona qiz oʻzing boshqasan.
Kunduzimda porlagan kuncham,
Tunlarimda yongan yulduzcham.
Kulishlari yarashgan gʻuncham,
Durdona qiz oʻzing boshqasan.
Sevgilimsan, oʻzing yagonam,
Koʻrmay sira koʻzlaringda nam.
Kuydurgancha sogʻintirsang ham,
Durdona qiz oʻzing boshqasan.
Sevging uchun qilmay gunoxni.
Xato bilib hatto nigohni.
Mendan koʻproq sevib Allohni,
Durdona qiz oʻzing boshqasan.
