NIGORA ISMIGA SHER
Bu tun oqshom yogʻdu sochar yulduz-oy,
Hayajondan ashʼor yozar yurak soy.
Tavallud kun yangrar mayin ohang kuy,
Oq koʻngilli sofdil doʻstim Nigora!
Qashqadaryo elin toʻlin oy qizi,
Otasining erka gulgun boy qizi.
Qalbi qaynar buloq, mehr soy qizi,
Oq koʻngilli sofdil doʻstim Nigora!
Sheʼrlarni yurakdan maroq-la oʻqir,
Ijrolari qalbga juda ham yoqur.
Tosh yurak ham erib maʼnosin uqur,
Oq koʻngilli sofdil doʻstim Nigora!
Jamuljam boʻladur opa-singillar,
Quvonchga toʻladur yayrab koʻngillar.
Esda qolar abad tugʻilgan kunlar,
Oq koʻngilli sofdil doʻstim Nigora!
Osmondan farishta baxtlar yogʻdirar,
Oq bulutlar suzib qorin yogʻdirar.
Sevinchli dillarga orzun tugʻdirar,
Oq koʻngilli sofdil doʻstim Nigora!
Shoir Akromjon ham koʻnglingni olar,
Dilingga hushbichim kayfiyat solar.
Ashʼorini yozib mehrini qalar,
Oq koʻngilli sofdil doʻstim Nigora!
