Уруш қатнашчилари учун қандай пенсия имтиёзлари мавжуд? Улар неча ёшдан пенсияга чиқса бўлади?
“Фуқароларнинг давлат пенсия таъминоти тўғрисида”ги Қонунга кўра, уруш қатнашчилари ва уларга тенглаштирилган шахсларга пенсияга оид қуйидаги имтиёзлар берилган:
пенсияни ҳисоблаш базавий миқдорининг 50 фоизи миқдорида пенсияларига устама ҳақлар;
I гуруҳ уруш ногиронларига — пенсияни ҳисоблаш базавий миқдорининг 150 фоизи (ҳозирги кунда ушбу миқдор 558 минг сўм);
II гуруҳ уруш ногиронларига — пенсияни ҳисоблаш базавий миқдорининг 125 фоизи (ҳозирги кунда ушбу миқдор 465 минг сўм);
уруш қатнашчилари ва уларга тенглаштирилган шахсларга — пенсияни ҳисоблаш базавий миқдорининг 50 фоизи (ҳозирги кунда ушбу миқдор 186 минг сўм);
Бундан ташқари, уруш ногиронлари ва уларга тенглаштирилган шахслар охирги иш жойидан қатъи назар 5 йилга қисқартирилган ҳолда пенсия олиш ҳуқуқига эга.
